ព័ត៌មានជាតិ

ពលរដ្ឋថា ក្រុមហ៊ុន យកសំរាមមកចាក់ ធ្វើឲ្យប៉ះពាល់បរិស្ថាន ជាខ្លាំងនៅភូមិរបស់គាត់

កំពង់ធំ: ប្រជាពលរដ្ឋ បាននិយាយថា មានរថយន្តធន់ធំ ដឹកសំរាម ជារៀងរាល់ថ្ងៃ យកមកចាក់ចោលនៅកន្លែងវល្លិ៍យាវ ស្ថិតនៅភូមិសាស្ត្រ ឃុំត្រពាំងឫស្សី ស្រុកកំពង់ស្វាយ បណ្ដាលធំក្លិនអាក្រក់ជះ មកដល់ភូមិរបស់ពួកគាត់ និងធ្វើឲ្យប៉ះពាល់ដល់បរិស្ថាន និងសោភ័ណភាព ជាខ្លាំង មិនតែប៉ុណ្ណោះអ្នកធ្វើដំណើរតាមផ្លូវជាតិ ៦២ ពីខេត្តកំពង់ធំ ទៅខេត្តព្រះវិហារ ពេលដល់ចំណុចនេះ ក៏ទទួលក្លិន អាក្រក់នេះដែរ។

ប្រជាពលរដ្ឋ នៅម្ដុំនោះ បានបន្តថា កន្លែងចាក់សំរាមនេះ គឺមានរណ្ដៅនោះ ទេ គឺចាក់នៅដីតែម្ដង ហើយគំនរសំរាមនេះ គឺជាកាកសំណល់ស្អុយរលួយ និងធុំក្លិនអាក្រក់តែម្ដង ដែលពួកគាត់ថា មិនគួរឲ្យមានការចាក់បែបនេះ នៅទីនេះឡើយ ហើយពួកបានផ្ដល់ដំណឹងនេះ ទៅ មេភូមិ និងមេឃុំដែរ ប៉ុន្តែមិនមានលទ្ធផលនោះទេ ផ្ទុយទៅវិញ ឃើញតែសកម្មភាពចាក់សំរាមនេះ នៅតែបន្តជារៀងរាល់ថ្ងៃដដែល ហេតុដូចនេះ ពួកគាត់សំណូមពរ ឲ្យអ្នកសារព័ត៌មានជួយមើលរឿងនេះផង។

ជួបជាមួយនឹងកម្មករ និងអ្នកបើកបរ រថយន្តដឹកសំរាម នៅកន្លែងចាក់សំរាមនេះ ពួកគាត់ បានទាំងឆ្លើយតបថា ពួកគាត់មិនដឹងអ្វីនោះទេ ហើយចំពោះការដឹកសំរាមមកចាក់នៅទីនេះ គឺតាមបញ្ជារបស់មេ តែប៉ុណ្ណោះ គឺឈ្មោះ សី ហា ជាក្រុមចាយការ។

ទាក់ទងនឹងបញ្ហាប្រភពសំរាម ដែលដឹកចេញមកចាក់ចោលនៅទីនេះ ត្រូវបានប្រធានផ្សារចាស់ ហៅថាផ្សារស្ទឹងសែន និងផ្សារធំ កំពង់ធំថ្មី ដែលជាផ្សារធំ នៃខេត្តកំពង់ធំ ទទួលស្គាល់ថា គឺជា សំរាមដែលដឹកចេញពីផ្សារទាំង២នេះ ហើយប៉ុន្តែរឿងសំរាម និងទីកន្លែងចាក់សំរាមនោះ គឺជាកិច្ច ការរបស់ក្រុមហ៊ុន ចាយការ ដែលម៉ៅការផ្ដាច់ពីខាងផ្សារ ប៉ុន្តែគាត់ គ្រាន់តែដឹងថា កន្លែងទីតាំង ចាក់ សំរាម ជាផ្លូវការដែលអាជ្ញាធរអនុញ្ញាតនោះ គឺនៅរដូវវស្សានេះ គឺទឹកលិច ទើបជាហេតុមិនអាចយកសំរាមទៅចាក់នៅទីនោះបាន។

លោក អ៊ុន បុត្ត អភិបាលស្រុកកំពង់ស្វាយ បានប្រាប់អ្នកសារព័ត៌មានថា ការចាក់សំរាម នៅទីនោះ សូមប្រជាពលរដ្ឋមេត្តាយោគយល់ ដោយស្ថានភាព នៅរដូវវស្សានេះ កន្លែងចាក់សំរាមត្រូវបានទឹកលិច ទើបលោកអភិបាលខេត្តជួយសម្រួល និងអនុញ្ញាតឲ្យក្រុមហ៊ុនប្រមូល សំរាម យកសំរាមមកចាក់នៅទីនេះ ជាបណ្ដោះអាសន្ន រង់ចាំទឹកគោក គឺទៅចាក់នៅកន្លែងចាក់ សំរាមវិញ ហើយសំរាម នៅទីនោះ គឺក្រុមហ៊ុន នឹងធ្វើការដុតកម្ទេចចោល៕

សំរាម

សំរាម

សំរាម

មតិយោបល់