ព្រៃវែង: កាលពីរសៀលថ្ងៃទី១៧ ខែតុលា ឆ្នាំ២០១៦ នៅវេលាម៉ោង២រសៀល សាលាស្រុកស្វាយអន្ទរ ខេត្តព្រៃវែង មានពិធីប្រកាសចូលកាន់តំណែងអភិបាលរង ដោយមានការចូលក្រុមប្រឹក្សាព្រមទាំងជំនាញក្រោមឱវាទស្រុក និងកងកម្លាំងប្រដាប់អាវុធសរុប ៥០នាក់។

ពិធីនេះ ធ្វើឡើងក្រោមអធិបតីភាពលោក កែវ សេន អភិបាលរងខេត្តព្រៃវែងអមដំណើរជាមួយនាយកទីចាត់ការធនធានមនុស្សខេត្តព្រៃវែងបានមកប្រកាសឲ្យឈ្មោះលោក ហេង ទ្រី ចូលកាន់តំណែងជាអភិបាលរងស្រុកស្វាយអន្ទរចាប់ពីថ្ងៃ១៧ ខែតុលា ឆ្នាំ២០១៦។ ជាមួយគ្នានោះដែរ លោក ហេង ទ្រី ដែលជាអភិបាលរង ក៏បានប្តេជ្ញាថា នឹងខិតខំបំរើការងារជូនប្រជាពលរដ្ឋផងដែរ៕