ព្រះសីហនុ: នៅព្រឹកថ្ងៃទី២១ ខែតុលា ឆ្នាំ២០១៦នេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានអញ្ជើញបងប្អូនតំណាងអាជីវករ ម្ចាស់ផ្ទះសំណាក់ ភោជនីយដ្ឋាន និងរង្គសាល ដែលពាក់ព័ន្ធលើសេវាកម្មទេសចរណ៍ ចំនួន១០០នាក់ មកចូលរួមប្រជុំស្តាប់ការផ្សព្វផ្សាយវិធានការបង្ការទប់ស្កាត់ អំពើជួញដូរមនុស្ស ធ្វើអាជីវកម្មផ្លូវភេទលើស្ត្រីនិងកុមារ និងបទល្មើសគ្រឿងញៀន។
ក្នុងឱកាសនោះ លោកស្នងការ បានរំលឹកឲ្យបងប្អូនអាជីវករទាំងអស់ចូលរួមគោរពច្បាប់នានារបស់រដ្ឋ សហការជាមួយសមត្ថកិច្ច ថែរក្សាសន្តិសុខសណ្តាប់ធ្នាប់សង្គម ទាំងបរិស្ថាន អនាម័យ និងបម្រើសេវាកម្មទេសចរណ៍ឲ្យបានល្អដើម្បីទាក់ទាញភ្ញៀវទេសចរណ៍៕
មតិយោបល់