ផ្ទះ ព័ត៌មានជាតិ បើក​ម៉ូតូជែង​...

បើក​ម៉ូតូជែង​មិនផុតទាក់​នឹង​ទ្រុង​គោយន្ត​កន្ត្រៃ​ ដួល​ខ្ទាត​ចូល​រថយន្ត​កិន​ស្លាប់​

0

បន្ទាយ​មាន​ជ័​យ: ​​យុវជន​ម្នា​ក់​បាន​ស្លាប់​ភ្លាមៗ​នៅ​នឹង​កន្លែង​កើតហេតុ​ បន្ទាប់ពី​បើក​ម៉ូតូ​ឡើង​ជែង​មិន​ផុត​ទាក់​ដៃ​ម៉ូតូ​ទៅនឹង​ទ្រុង​គោយន្ត​កន្ត្រៃ​ដួល​ខ្ទា​ត​ ទៅ​ម្ខាង​ផ្លូវត្រូវ​រថយន្ត​មកពី​មុខ​កិន​បែក​មួក​សុវត្ថិភាព​ស្លាប់​តែម្តង​។

ហេតុ​ការ​ណ៍​នេះ ​កើតឡើង​កាលពី​ថ្ងៃទី​៣១​ ខែតុលា​ ឆ្នាំ២០១៦ ​លើ​កំណាត់​ផ្លូវជាតិ​លេខ​៥៦​ ត្រង់​ចំណុច​ផ្លូវបំបែក​ចូល​ភ្នំចង្ក្រាន​យក្ស ​ក្នុងភូមិ​កសិណ​ ឃុំ​បន្ទាយឆ្មារ ​ស្រុក​ថ្មពួក ​ខេត្តបន្ទាយមានជ័យ​។

នគរបាល​ស្រុក​ថ្មពួក​ បានឲ្យដឹង​ថា ជ​ន​រងគ្រោះ​មានឈ្មោះ ​សុខ ​ខុន​ ហៅ​ ដា ​ភេទ​ប្រុស ​អាយុ​២៦ឆ្នាំ ​រស់នៅ​ភូមិ​បន្ទាយឆ្មារ​ត្បូង​ ឃុំ​បន្ទាយឆ្មារ ​បាន​បើក​ម៉ូតូ​ម៉ា​ក​វេ​វ​អី​ ពណ៌​ក្រហម ​ខ្មៅ​គ្មាន​ ​ស្លាក​លេខ ​ក្នុងទិសដៅ​ពី​ជើង​ទៅ​ត្បូង​ លុះដល់​ចំណុច​កើតហេតុ​បាន​បើក​ឡើង​ជែង​នឹង​គោយន្ត​កន្ត្រៃ​ដែល​នៅ​ពីមុខ​ បណ្តាល​ឲ្យ​ទាក់​នឹង​ទ្រុង​គោយន្ត​ដួល​ម៉ូតូ​ ហើយជនរងគ្រោះ​ខ្ទាតទៅ​ម្ខាង​ថ្នល់​ ​​ក៏​ត្រូវ​រថយន្ត​តូ​យូ​តា​បា​ឡែ​ង ​ពណ៌​​ទឹកមាស​ពាក់​ស្លាកលេខ បាត់ដំបង​2A-8023 ​មកពី​មុខ​កិន​ចំ​ពេញទំហឹង​ បណ្តាលឲ្យ​ស្លាប់​នៅនឹង​កន្លែង​សូម្បីតែ​មួក​សុវត្ថិភាព​របស់​ជនរង​គ្រោះ​ក៏​ត្រូវ​បែក​ខ្ទេច​។ ចំណែក​ រថយន្ត​រ៉េ​ចង្កូត​ធ្លាក់​​ចេញពី​ផ្លូវ​ហើយ​ម្ចាស់​ក្រោយ​ពី​កើត​ហេតុ​ បានដាក់​មេប្រូច​បាត់​។

ក្រោយ​កើតហេតុ​ បន្ទាប់ពី​សមត្ថកិច្ច​ធ្វើការ​វាស់វែង​ចប់​បាន​ប្រគល់​សព​ជនរងគ្រោះ​ឲ្យ​ទៅ​ក្រុម​គ្រួសារ​យកទៅ​ធ្វើបុណ្យ​តាម​ប្រពៃណី។ ចំណែក​រថយន្ត​និង​ម៉ូតូ​ត្រូវ​បាន​នាំយក​មក​រក្សាទុក​នៅ​អធិការ​ស្រុក​ ដើម្បី​ចាត់ការ​តាមផ្លូវ​ច្បាប់​៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍