ផ្ទះ ព័ត៌មានជាតិ ជនឆបោកលុយពលរដ...

ជនឆបោកលុយពលរដ្ឋជាង៥០ម៉ឺនដុល្លារ ត្រូវPMចាប់ខ្លួន

0

បន្ទាយ​មាន​ជ័​យ: ​​​ជនសង្ស័យ​​ប្រុស​ស្រី​ចំនួន​៩​នាក់​ មាន​ជនជាតិ​ថៃ​ និងខ្មែរ ​​​ត្រូវ​បាន​​ក​ម្លាំង​អាវុធហត្ថ​ក្រុង​ប៉ោយប៉ែត​​ បញ្ជូន​ខ្លួន​មក​បញ្ជាការដ្ឋាន​អាវុធហត្ថ​ខេត្ត​ដើម្បីចាត់ការ​បន្តតាមនីតិវិធីច្បាប់ ​កាលពី​រសៀលថ្ងៃទី​១ ខែ​​វិច្ឆិកា​ ឆ្នាំ​២០១៦​​​។

លោក ជា ដា មេបញ្ជាការ​អាវុធហត្ថ​ក្រុង​ប៉ោយប៉ែត​ បានឲ្យដឹងថា​ ជនសង្ស័យ​ខាងលើ​ត្រូវ​បាន​ឃាត់ខ្លួន​ពី​បទឆបោក​ប្រាក់​ចំនួន​៥០៦ ២០០​ដុល្លារ​ ប្រព្រឹត្ត​នៅ​ចំណុច​បរិវេណ​កា​ស៊ីណូ​ផ្កាយ​៥​ ស្ថិត​ក្នុង​ភូមិ​ក្បាលស្ពាន​១ ​សង្កាត់​-ក្រុង​ប៉ោយប៉ែត​ ខេត្តបន្ទាយមានជ័យ ​ដោយ​ជនសង្ស័យ​ជា​បុគ្គលិក​ក្រុមហ៊ុន(T.CLUB) ​ទី១.​ឈ្មោះ ​ថ:​រ:​សិ វិ​វេ​វ៉ាន ​ភេទប្រុស អាយុ​៣១ឆ្នាំ​ ទីលំនៅ​បច្ចុប្បន្ន​ ក្រុង​បាងកក ប្រទេស​ថៃ ទី២.​ឈ្មោះ​ ណាត់ ឆៃ​យ៉ា ភេទស្រី អាយុ​២៣ឆ្នាំ ​ទីលំនៅ​បច្ចុប្បន្ន​ខេត្ត​ឈុន​បូរី​ ប្រទេស​ថៃ ទី៣​.ឈ្មោះ​ ដេ​ឆា ខៀវ​ផឹក​ ភេទ​ប្រុស ​អាយុ​២៣​ឆ្នាំ​រស់នៅ​ខេត្ត​អុ​ប៊ុន​រាជធានី ​ប្រទេស​ថៃ ទី៤.ឈ្មោះ​ផា​វី​ឡាក់​តិ​ភូមិ ភេទ​ប្រុស ​អាយុ​៣៧ឆ្នាំ​ ទីលំនៅ​បច្ចុប្បន្ន ក្រុង​បាងកក​ ប្រទេស​ថៃ ទី៥​.ឈ្មោះ​ សៃថា​ន ថា​វ៉ន ភេទ​ស្រី​ អាយុ​២០​ឆ្នាំ ​ទីលំនៅ​បច្ចុប្បន្ន ខេត្ត​ឈុន​បូរី ​ប្រទេស​ថៃ ទី៦.​ឈ្មោះ​ កាន់​ ច:​នា ឡាក់​ម៉ា​យ​ស៊ី​ ភេទ​ស្រី អាយុ ២៤​ឆ្នាំ ទីលំនៅ​បច្ចុប្បន្ន​ ក្រុង​បាងកក ​ប្រទេស​ថៃ ទី៧.ឈ្មោះ​ សៀង គឹម​សៀក ភេទ​ស្រី អាយុ ២២​ឆ្នាំ ទីលំនៅ​បច្ចុប្បន្ន ក្រុង​ប៉ោយប៉ែត ទី៨.​ឈ្មោះ​ម៉ៅ ស្រីមុំ ភេទ​ស្រី អាយុ​៣២​ឆ្នាំ ​ទីលំនៅ​បច្ចុប្បន្ន ក្រុង​ប៉ោយប៉ែត​ និងទី៩.​ឈ្មោះ​សួន សៃ​យ៉ា ភេទ​ស្រី​អាយុ ២៥​ឆ្នាំ​ ទីលំនៅ​បច្ចុប្បន្ន ក្រុង​ប៉ោយប៉ែត​។

លោក បានបន្ដថា​ ​មូល​ហេតុដែល​នាំឲ្យមាន​ការឃាត់ខ្លួន​នេះ​ ដោយ​សារតែ​ កាលពី​ថ្ងៃទី​៧ ​ខែកក្កដា​ ឆ្នាំ​២០១៦​ក្រុមហ៊ុន​(T.CLUB)​ ខាងលើ​បាន​បើក​ការ​ផ្សព្វផ្សាយ ​ដែល​មាន​ទីតាំងនៅ​បរិវេណ​កា​ស៊ីណូ​ផ្កាយ​៥​ក្រុង​ប៉ោយប៉ែត​ ឲ្យ​ប្រជាពលរដ្ឋ​យក​ប្រាក់​មក​ដាក់​នៅក្នុង​ក្រុមហ៊ុន​ អាច​ទទួល​បាន​ការប្រាក់​ខ្ពស់ ​ទៅតាម​សាច់ប្រាក់​ដែល​បាន​ដាក់​ក្នុង​ក្រុមហ៊ុន ​ក្រោយមក​ប្រជាពលរដ្ឋ​បាន​នាំគ្នា​យក​ប្រាក់​មក​ដា​ក់​ក្នុង​ក្រុមហ៊ុន​ជាច្រើន​រយ​នាក់​ តាម​ការ​ផ្សព្វផ្សាយរ​បស់​ក្រុមហ៊ុន​ T.ClUB​ រហូត ​រយ:ពេល​៤​ស​ប្ដា​ហ៍ចុងក្រោយ​ គឺ​ក្រុមហ៊ុន​មិនបាន​ទទួល​ខុសត្រូវ​តាម​ការសន្យា​ ហើយ​បាន​ផ្ដាច់​ការទាក់ទង​ជាមួយ​ប្រជាពលរដ្ឋ ​ទើប​ប្រជាពលរដ្ឋ​មាន​ចំនួន​១៣១​នាក់​ បាន​មក​ដាក់ពាក្យ​បណ្ដឹង​នៅ​មូលដ្ឋាន​អាវុធហត្ថ​ក្រុង​ប៉ោយប៉ែត ​ឲ្យជួយ​រក​ដំណោះស្រាយ​ជូន​ពួកគាត់​ទើប​សមត្ថកិច្ច​បាន​ធ្វើកា​រ​ស្រាវជ្រាវ​ចាត់ការ​រឿងនេះ​។

សូម​បញ្ជាក់​​ថា ​ក្រុមហ៊ុន​T.ClUB ជា​ក្រុមហ៊ុន​បើក​ល្បែង​ស៊ីសង​ជ្រក​ក្រោម​កា​ស៊ី​ណូ​ផ្កាយ​៥​ ហើយ​បានឲ្យ​គេ​ចូល​ហ៊ុន​។ ​ករណីនេះ ​សង្ស័យ​តែ​ក្រុមហ៊ុន​ មាន​បញ្ហា​ជាមួយ​ខាង​ក្រុមហ៊ុន​កា​ស៊ីណូ​ ទើប​បង្ក​ឲ្យ​មាន​បញ្ហា​រ​ហូត​មានការ​ឃាត់ខ្លួន​ជនសង្ស័យខាងលើ​ ​ព្រោះថា ​កន្លងមក​ការ​បើក​ល្បែង​ស៊ីសង​ ឬ​បញ្ហា​អ្វី​ក្នុង​បរិវេណ​កា​ស៊ីណូ​ បើ​ខាង​ក្រុមហ៊ុន​កា​ស៊ីណូ​មិន​ប្តឹង​ពុំ​នោះ​សមត្ថកិច្ច​មូលដ្ឋាន​មិនហាន​ចាត់​ការ​ឡើយ​។

បច្ចុប្បន្ន​ ករណីនេះ ​អយ្យការ​អម​សាលាដំបូង​ខេត្តបន្ទាយមានជ័យ​ កំពុង​ពិនិត្យ​ចាត់ការ​តាម​នីតិវិធី​ច្បាប់​៕

ជនឆបោក

ជនឆបោក

Loading...