ផ្ទះ ព័ត៌មានជាតិ បញ្ជូនខ្លួនជន...

បញ្ជូនខ្លួនជនសង្ស័យ២នាក់ទៅតុលាការ ពាក់ព័ន្ធករណីគ្រឿងញៀន

0

ស្ទឹងត្រែង: នៅព្រឹកថ្ងៃទី៣ ខែវិច្ឆិកា ឆ្នាំ២០១៦នេះ កម្លាំងនគរបាលប្រឆាំងបទល្មើសគ្រឿងញឿននៃស្នងការដ្ឋាននគរបាលខេត្តស្ទឹងត្រែងបាន បញ្ជូនខ្លួនជនសង្ស័យចំនួន២នាក់ទៅតុលាការ ដែលសមត្ថកិច្ចឃាត់ខ្លួនបាន ព្រមទាំងដកយកវត្ថុតាងពាក់ពន្ធ័នឹងករណីគ្រឿងញៀន កាលពីថ្ងៃទី១ ខែវិច្ឆិកា ឆ្នាំ២០១៦ ត្រង់ចំណុចក្រោមស្ពានអូរអន្ទម ស្ថិតក្នុងភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង។

សមត្ថកិច្ចបានឲ្យដឹងថា ជនសង្ស័យទាំង២នាក់ ទី១.ឈ្មោះ ហុក សង្ហារ អាយុ២៦ឆ្នាំ ជនជាតិខ្មែរ រស់នៅភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង និងទី២ ឈ្មោះ មើ ណាស្រឺត ហៅ អេង វរ: អាយុ២៧ឆ្នាំ ជនជាតិឥស្លាម បច្ចុប្បន្នរស់នៅចំណុចភ្នំខៀវ ស្រុកសំបូរ ខេត្តក្រចេះ។

ក្រោយការឃាត់ខ្លួនជនសង្ស័យខាងលើ សមត្ថកិច្ចដកហូតបានវត្ថុតាងរួមមានថ្នាំញៀនប្រភេទម្សៅមេតំហ្វេតាមីន(ម៉ាទឹកកក)ចំនួន២កញ្ចប់ស្មើនឹងង៤.៧ក្រាម លុយខ្មែរចំនួន១០ម៉ឺនរៀល
ទូរសព្ទដៃម៉ាកNokia ពណ៌ខ្មៅ១គ្រឿង ព្រមទាំងម៉ូតូម៉ាកវ៉េវអាហ្វា១គ្រឿងទៀតផងដែរ។

បច្ចុប្បន្ន ជនសង្ស័យរួមនឹងវត្ថុតាងខាងលើ ត្រូវបានសមត្ថកិច្ចបញ្ជូនខ្លួនទៅកាន់តុលាការដើម្បីចាត់ការតាមនីតិវិធីច្បាប់រួចហើយ៕

ករណីគ្រឿងញៀន

ករណីគ្រឿងញៀន

ករណីគ្រឿងញៀន

ករណីគ្រឿងញៀន