ផ្ទះ ព័ត៌មានជាតិ ​​ប្រើប្រាស់​...

​​ប្រើប្រាស់​ឧបករ​ណ៍​នេសាទ​ខុសច្បាប់ ត្រូវសមត្ថកិច្ចឃាត់ខ្លួន​

0

សៀមរាប:​ កម្លាំងសមត្ថកិច្ច​​នៃ​អធិការដ្ឋាន​នគរបាល​ស្រុក​ស្វាយ​លើ បាន​​ឃាត់ខ្លួនជនសង្ស័យ​ចំនួន២​នាក់ និង​វត្ថុតាងមួយចំនួន​​ ពី​បទ​ប្រើប្រាស់​ឧបករណ៍​នេសាទ​ខុសច្បាប់​(​ឆក់​ត្រី​)កាលពី​យប់​ ​ថ្ងៃទី​៣ ខែវិច្ឆិកា ឆ្នាំ​២០១៦​ ត្រង់​ចំណុច​ត្រពាំង​ស្រែ​ល្បេ​ត​ ស្ថិតនៅ​ក្នុងភូមិ​បឹងមាលា​ ឃុំ​បឹងមាលា ស្រុក​ស្វាយ​លើ ខេត្តសៀមរាប​។

​លោក​វរសេនីយ៍ត្រី ស៊ុន អេង អធិការនគរបាល​ស្រុក​ស្វាយ​ លើ​បាន​ឲ្យ​ដឹងថា ​ជនសង្ស័យ​ដែល​ត្រូវ​សមត្ថកិច្ច​​ឃាត់ខ្លួន ទី១.​ឈ្មោះ ហុង ហាក់ ភេទ​ប្រុស អាយុ​២៩​ឆ្នាំ មាន​មុខរ​បរជា​បុគ្គលិក ​អាជ្ញាធរ​អប្សរា រស់នៅ​ភូមិ​គូលែន​ជើង ឃុំ​គូលែន​ជើង ស្រុក​គូលែន​ ខេត្តព្រះវិហារ​ និងទី២.​ឈ្មោះ វង់ ពៅ ភេទ​ប្រុស អាយុ​៤១​ឆ្នាំ មាន​មុខរ​បរ​ជា​កម្ម​ករ រស់នៅ​ភូមិ​បឹងមាលា ​ឃុំ​បឹងមាលា ស្រុក​ស្វាយ​លើ ​ខេត្តសៀមរាប​។

លោក​វរសេនីយ៍ត្រី ​បានបន្ថែម​ថា​ វត្ថុតាង​ដែល​សមត្ថកិច្ច​នគរបាល​ដកហូត​បាន​រួម​មាន ម៉ូ​ទ័​រ​ឆក់​ត្រី១ អាគុយ​១ ម៉ូតូ​ជិះ​ធ្វើ​សកម្មភាព​ល្មើស​១ ​កាំភ្លើង​ខ្យល់​២​ដើម និង​របស់របរ​មួយ​ចំនួនទៀត​។

​បច្ចុប្បន្ន​ ជនសង្ស័យ​​​ត្រូវបាន​សមត្ថកិច្ច​​ នាំខ្លួន​មក​ធ្វើការ​សាកសួរ​នៅ​អធិការដ្ឋាន​នគរបាល​ស្រុក​ និង​​កសាង​សំណុំរឿង​បញ្ជូន​ទៅកាន់​មន្ទីរជំនាញ​ជលផល​ខេត្តសៀមរាប នៅ​ថ្ងៃទី​០៤ ខែវិច្ឆិកា ​ឆ្នាំ​២០១៦នេះ​ សាកសួរ​បន្ថែម​ ដើម្បី​កសាង​សំណុំរឿង​ទៅ​សាលាដំបូង​ខេត្តសៀមរាបចាត់ការ​តាម​នីតិវិធី​ច្បាប់​៕

ប្រើប្រាស់ឧបករណ៍ខុសច្បាប់

ប្រើប្រាស់ឧបករណ៍ខុសច្បាប់

ប្រើប្រាស់ឧបករណ៍ខុសច្បាប់

ប្រើប្រាស់ឧបករណ៍ខុសច្បាប់

Loading...