ព័ត៌មានជាតិ

ទាស់ពាក្យសម្តី គ្នាបន្តិចបន្តួចទាញពូថៅកាប់គូរ ទំនាស់ របួសធ្ងន់ ត្រូវជាប់ខ្នោះ

(តាកែវ) ៖ ​​ផឹកស៊ី​ ​ទាស់​ពាក្យ​សម្តី​គ្នា​បន្តិចបន្តួច ​​បង្ក​ជាអំពើ​ហិង្សា ​បាន​កើតឡើង​ បណ្តាល​ឲ្យ​បុរស​ម្នាក់​​បែក​ក្បាល​ហូរ​ឈាម​​ស្រោច​ពេល​ខ្លួន​​​​​​ ជន​បង្ក​ត្រូវ​ជាប់​ខ្នោះ​​។
ករណី​ហិង្សានេះ ​កើតឡើង​កាលពី​វេលា​ម៉ោង​៦​និង​១៥​នាទី​ល្ងាច ថ្ងៃទី​៣១​ ខែ​មិនា​ ឆ្នាំ​២០១៦ ស្ថិត​នៅ​ចំណុច​កន្លែង​ជីក​ស្រះ​ទឹក​ម៉ុង​សក្តិ៍​ប្រាំ ​ភូមិ​ត្រពាំង​ធំ ​ឃុំ​ព្រៃ​ផ្តៅ​ ស្រុក​ព្រៃកប្បាស​ ខេត្តតាកែវ។
ជនសង្ស័យ​​ជាអ្នក​បង្ក​ឈ្មោះ រ៉ុង ពេ​ជ ​អាយុ​២៤​ឆ្នាំ មាន​ស្រុកកំណើត​នៅ​ឃុំ​ព្រែកបាក់​ ស្រុក​ស្ទឹងត្រង់​ ខេត្តកំពង់ចាម ​បច្ចុប្បន្ន​មក​ស្នាក់នៅ​ធ្វើការ​នៅ​កន្លែង​កើតហេតុ​ខាងលើ ​ចំណែក​ជនរង​គ្រោះ​ឈ្មោះ គង់ ផល្លី ​អាយុ​៣០​ឆ្នាំ រស់នៅ​ភូមិ​សំបួរ ឃុំ​តាំង​យ៉ាប ​ស្រុក​ព្រៃកប្បាស ខេត្តតាកែវ​។ 

នគរបាល​មូលដ្ឋាន​ បាន​ឲ្យ​ដឹងថា ​នៅវេលា​ម៉ោង​កើតហេតុ​ខាងលើ ​ជនសង្ស័យ​ និង​ជនរងគ្រោះ​បាន​ជួបជុំគ្នា​ផឹក​ស្រា​ជាមួយគ្នា ​ហើយក៏​បាន​ទាស់​ពាក្យ​សម្តី​គ្នា​តិចតួច ​ភ្លាមៗ​នោះ​ជនសង្ស័យ​បាន​ហក់​ទៅ​ទាញ​ពូថៅ​កាប់​ទៅលើ​ជនរងគ្រោះ​បាន​ពីរ​ពូថៅ​បណ្តាល​ឲ្យ​រង​របួស​បែក​ក្បាល​យ៉ាង​ដំណំ​។ បច្ចុប្បន្ន​ជនសង្ស័យ ​ត្រូវ​បាន​ចាប់ខ្លួន​មក​អធិការដ្ឋាន​នគរបាល​ស្រុក​ព្រៃកប្បាស​ ដើម្បី​កសាង​សំណុំរឿង​បញ្ជូន​បន្ត​ចាត់ការ​តាមផ្លូវ​ច្បាប់​៕
   
   

មតិយោបល់