បន្ទាយមានជ័យៈ មន្ត្រីនគរបាលយុត្តិធម៌បានត្អូញត្អែរថា ការអនុវត្តនីតិវិធីការងារជំនាញនៅតែមានបញ្ហាប្រឈម បើទោះបីជាមានការសម្របសម្រួលពីប្រព័ន្ធតុលាការយ៉ាងណាក៏ដោយ។ ការលើកឡើងយ៉ាងដូច្នេះ គឺក្នុងពិធីប្រជុំពិភាក្សាលើបញ្ហាប្រឈម និងដំណោះស្រាយក្នុងការអនុវត្តក្រមនីតិវិធីព្រហ្មទណ្ឌ នាព្រឹកថ្ងៃទី៨ ខែវិច្ឆិកា ឆ្នាំ២០១៦ ក្នុងសាលប្រជុំសាលាដំបូងខេត្តបន្ទាយមានជ័យ ក្រោមវត្តមាន លោក ជឺ សុខ ប្រធានសាលាដំបូងខេត្ត លោក មាស ច័ន្ធពិសិដ្ឋ ព្រះរាជអាជ្ញាអមអយ្យការខេត្ត លោកឧត្តមសេនីយ៍ទោ អាត់ ខែម ស្នងការខេត្ត និងលោក ឱ បូរិន្ទ មេបញ្ជាការអាវុធហត្ថខេត្ត៕