(ភ្នំពេញ)៖ កម្លាំងកងរាជអាវុធហត្ថខណ្ឌមានជ័យ ឃាត់ខ្លួន ជនសង្ស័យ ម្នាក់ ជាមុខសញ្ញាចែកចាយគ្រឿងញៀនយ៉ាងសកម្ម នៅក្នុងសង្កាត់ស្ទឹងមានជ័យ។
ការឃាត់ខ្លួននេះ បានធ្វើឡើងនៅវេលាម៉ោង ០៣ និង០០ ទៀបភ្លឺ ថ្ងៃទី០១ ខែមេសា ឆ្នាំ២០១៦ នៅចំណុច ផ្លូវ វែងស្រែង ទល់មុខរោងចក្រ អ៊ីខាង ភូមិដំណាក់ធំ ២ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
សមត្ថកិច្ច បានឲ្យដឹងថា ជនសង្ស័យ ឈ្មោះ. អ៊ែល តារា ភេទប្រុស អាយុ៣៥ ឆ្នាំ ស្នាក់នៅបន្ទប់ជួល លេខ១៥ ភូមិ កើតហេតុខាងលើ។ ដកហូតវត្ថុតាង ៖ ១.ម្សៅក្រាមពណ៌ស ០៨ កញ្ចប់តូច ២.ម៉ូតូ ០១គ្រឿង ម៉ាកគុប ពណ៌ទឹកប៉ិច ស្លាកលេខ ផ ៧១២២ ភ្នំពេញ ៣.ខ្សែរក ០១ ខ្សែ ៤. ជញ្ជៀន ០១ វង្ស និង៥. ទូរស័ព្ទ ០១ គ្រឿង។បច្ចុប្បន្នជនសង្ស័យ និងវត្ថុ តាងត្រូវបានបញ្ជូន ទៅការិយាល័យបទល្មើសគ្រឿងញៀន ៕
មតិយោបល់