ផ្ទះ ព័ត៌មានជាតិ ​ឆ្លងផ្លូវមិន...

​ឆ្លងផ្លូវមិនទាន់ផុតផង ត្រូវរថយន្តបុកស្លាប់

0

សៀមរាប: បុរស​ម្នាក់​បាន​ស្លាប់​ភ្លាមៗ​នៅ​នឹង​កន្លែងកើតហេតុ ​ខណ:​ដែលជិះ​ម៉ូតូ​នៅលើ​ផ្លូវជាតិ​លេខ​៦ មិន​ប្រកាន់​ស្តាំ ​ហើយ​បាន​ឆ្លងកាត់​ផ្លូវជាតិ​ពី​ត្បូង​ទៅ​ជើង ​មិនមាន​ការប្រុងប្រយ័ត្ន​ត្រូវ​រថយន្ត​កាម​រី​បាឡែ​ន ​បុក​បណ្ដាល​ឲ្យ​ស្លាប់​។

ករណី​គ្រោះថ្នាក់​ចរាចរណ៍​នេះ​ កើតឡើង​នៅវេលា​ម៉ោង​៥និង​៤៥​នាទីល្ងាច​ ថ្ងៃទី៩ ខែវិច្ឆិកា ឆ្នាំ​២០១៦ ​នៅលើ​កំណាត់​ផ្លូវជាតិ​លេខ​៦ ត្រង់ចំណុច​ផ្លូវ​ឡើង​ទៅ​បារាយណ៍​ខាងលិច ​ស្ថិតក្នុង​ភូមិ​ខ្នាត ឃុំ​ខ្នាត ស្រុក​ពួក ខេត្តសៀមរាប​។

លោក​វរសេនីយ៍ត្រី ទេព ពុំសែន អធិការនគរបាល​ស្រុក​ពួក​ បាន​ឲ្យ​ដឹង​ថា​ ករណី​គ្រោះថ្នាក់​ចរាចរណ៍​ខាងលើនេះ បណ្ដាលមកពី​អ្នកបើកបរ​ម៉ូតូ​ជិះ​មិន​ប្រកាន់​ស្តាំ​ ឆ្លងកាត់​ផ្លូវជាតិ មិនមាន​ការប្រុងប្រយ័ត្ន ​ទើប​បណ្ដាល​ឲ្យ​រថយន្តបុក​ស្លាប់​។

លោក​អធិការនគរបាល​ស្រុក​បាន​បញ្ជាក់ថា ​រថយន្ត​ដែល​បុក​ម៉ូតូ បណ្ដាល​ឲ្យ​ជនរងគ្រោះ​ស្លាប់​នោះ ម៉ាក់​កាមរី​បាឡែ​ន ពណ៌​ឈាមជ្រូក​ ពាក់​ស្លាក​លេខ​សៀមរាប 2A-7604 បើក​ពី​លិច​ទៅ​កើត លុះដល់​ចំណុច​កើតហេតុ​បាន​បុក​ជាមួយ​ម៉ូតូ ម៉ាក​ហុងដា​ឌ្រី​ម​ សេ​១២៥ ពណ៌​ខ្មៅ ផលិត​នៅ​ឆ្នាំ​២០១៦ គ្មាន​ស្លាក​លេខ ​បើកបរ​ដោយ​ឈ្មោះ ឌា​ន ប្រាជ ភេទ​ប្រុស អាយុ​៣៤​ឆ្នាំ មាន​មុខរបរ​ជាងភ្លើង ​រស់នៅ​ភូមិ​រកា សង្កាត់​ក្របី​រៀល ក្រុង​-ខេត្តសៀមរាប ​បណ្ដាល​ឲ្យ​ស្លាប់​នៅនឹង​កន្លែង​កើតហេតុ ចំពោះ​អ្នកបើកបរ​រថយន្ត​ពុំ​ស្គាល់​អត្តសញ្ញាណ ​ក្រោយពេល​កើតហេតុ​បាន​ចុះ​រត់​គេចខ្លួនបាត់​។

​បន្ទាប់ពី​ហេតុ​ការណ៍​នេះ​ បាន​កើតឡើង​កម្លាំង​អធិការដ្ឋាន​នគរបាល​ស្រុក​ពួក ​បាន​ចុះ​ត្រួតពិនិត្យ វាស់វែង និង​ធ្វើ​កំណត់ហេតុ ​កសាង​សំណុំរឿង​តាម​នីតិវិធី​ច្បាប់​ ហើយរថយន្ត និង​ម៉ូតូ​ត្រូវ​បាន​ដកហូត​មក​រក្សាទុក​នៅ​អធិការដ្ឋាន​នគរបាល​ស្រុក រីឯ​សព​ត្រូវ​បាន​ប្រគល់ជូន​ក្រុមគ្រួសារ​ចាត់ចែង​រៀបចំ​ធ្វើបុណ្យ​តាម​ប្រពៃណី​៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍