ស្ត្រីទី១របស់អាម៉េរិក ដែលមានរូបអាក្រាត

Melania Trump ជាអតីតតារាម៉ូដែល ដោយបច្ចុប្បន្នគឺជាស្ត្រីទី១ របស់អាម៉េរិក បន្ទាប់ពីប្តីខ្លួន លោក ដូណាល់ត្រាំ បានឡើងជាប្រធានាធិបតី ជំនួសលោក បារ៉ាក់អូបាមា ក្រោយការបោះឆ្នោតឈ្នះលោកស្រី គ្លីនតុន កាលពីថ្ងៃទី៩ ខែវិច្ឆិកា ។
អតីតតារាម៉ូដែល មានសញ្ជាតិពីរសាសន៍ ស្លូវ៉ានៀ កាត់អាម៉េរិក រូបនេះ គឺជាស្ត្រីទី១ ផងដែរ ដែលមានរូបអាក្រាត លើគ្របទស្សនាវដ្តី GQ ។

កាលពី ១៥ឆ្នាំមុន នៅលើប្រូហ្វីល របស់លោក ដូណាល់ត្រាំ គឺមាន មិត្តស្រី Melania Knauss ដែលឥឡូវនេះប្រពន្ធរបស់គាត់ Melania បានថតរូបអាក្រាតដាក់ទស្សនាវដ្តី ដោយដេកស្រាត ដាក់ខ្នោះដៃជាប់នឹងវ៉ាលីដ៏តូចមួយ នៅលើយន្តហោះ Boeing 727 ។ ក្រៅពីនេះនៅមានរូបថតផ្សេងទៀតពាក់ឈុតប៊ីគីនី ឈរកាន់កាំភ្លើង ក្បែរយន្តហោះ ដែលធ្វើឲ្យអ្នកអានកំពុងចាប់អារម្មណ៍ ខណ:ដែលលោក ដូណាល់ត្រាំ បានក្លាយជាប្រធានាធិបតីអាម៉េរិកទី ៤៥ នោះ ។

យោងតាមគេហទំព័រ Hollywood Reporter បានចុះផ្សាយឲ្យដឹងថា រូបអាក្រាតរបស់ ភរិលោក ដូណាល់ ត្រាំ បានថតឡើង កាលពីខែមករា ឆ្នាំ ២០០០ ហើយរូបថតទាំងនេះ ត្រូវបានយកមកផ្សព្វផ្សាយនៅលើអនឡាញ កាលពីខែមីនា ឆ្នាំ២០១៦ ។
បញ្ជាក់ផងដែរថា Melania Trump កើតនៅ Melanija Knavs ថ្ងៃទី២៦ ខែឧសភា ឆ្នាំ១៩៧០ បច្ចុប្បន្ននាងមានអាយុ ៤៦ឆ្នាំ ដោយបានរៀបការជាមួយ ដូណាល់ត្រាំ កាលពីឆ្នាំ ២០០៥ និងមានកូន១ ៕