ភ្នំពេញ: ព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអំបុក បានប្រព្រឹត្តទៅរយ:ពេល២ថ្ងៃមកហើយ ប្រជាពលរដ្ឋមកពីគ្រប់ទិសទី បានចូលរួមដើរលេងកម្សាន្តនិងទស្សនាការប្រណាំងទូក បណ្តែតប្រទីបយ៉ាងសប្បាយរីករាយ។

ក្នុងនោះដែរកម្លាំងអាវុធហត្ថទូទាំងរាជធានីភ្នំពេញ ថ្វីត្បិតតែមិនបានជួបជុំសាច់ញាតិដើរលេងកម្សាន្តដូចគេឯង ប៉ុន្តែក៏មានក្តីសប្បាយរីករាយយ៉ាងខ្លាំង ក្នុងការចូលរួមសហការណ៍ជាមួយសមត្ថកិច្ចចម្រុះជាច្រើន ការពារសន្តិសុខ សុវត្ថិភាពជូនបងប្អូនដែលមកលេងកម្សាន្តទាំងយប់ទាំងថ្ងៃបានយ៉ាងរលូន ដោយបានទប់ស្កាត់បទល្មើស ជួយដល់កុមារវង្វេងឪពុកម្តាយបានជាច្រើន៕