ព័ត៌មានជាតិ

ឃាត់ខ្លួនជនសង្ស័យប្រុសស្រី៣នាក់ ពីបទចែកចាយគ្រឿញៀន

ព្រះសីហនុ: នៅថ្ងៃទី១៦ ខែវិច្ឆិកា ឆ្នាំ២០១៦ នៅវេលាម៉ោ១០និង៤០នាទីព្រឹក កម្លាំងនគរបាលជំនាញបានបង្ក្រាបករណីជួញដូរ និងចែកចាយគ្រឿងញៀនមួយករណី នៅត្រង់ចំណុចក្រុមទី៣ ភូមិ១ សង្កាត់២ ក្រុងព្រះសីហនុ។

សមត្ថកិច្ចបានឲ្យដឹងថា​ នៅក្នុងប្រតិបត្តិការខាងលើ សមត្ថកិច្ចឃាត់ខ្លួនជនសង្ស័យបានចំនួ៣នាក់ ទី១ ឈ្មោះ កែវ ឆក ហៅ ទី ភេទប្រុស អាយុ១៧ឆ្នាំ ទី២ ឈ្មោះ ឈុន ឌីណា ឬ សួស សាំ ហៅ ស្រី ភេទស្រី អាយុ ៥៧ឆ្នាំ និងទី៣ ឈ្មោះ កែន ហន ភេទប្រុស អាយុ២១ឆ្នាំ ហើយជនសង្ស័យទាំង៣នាក់មានទីលំនៅក្នុងភូមិ ឃុំកើតហេតុខាងលើ​។ រីឯវត្ថុតាងដកហូតបានដូចជា ថ្នាំញៀនមេតំហ្វេតាមីន(ICE) ចំនួន២កញ្ចប់ធំ និង៩កញ្ចប់តូច ជញ្ជីងថ្លឹងគ្រឿងញៀន១គ្រឿង ព្រមទាំងសម្ភារ:សម្រាប់វេចខ្ចប់គ្រឿងញៀនមួយចំនួនទៀត។

សមត្ថកិច្ចបន្តថា​ កន្លងមកស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ តែងតែពង្រឹងមន្ត្រីក្រោមឱវាទត្រូវតែបង្ក្រាបជាដាច់ខាតនូវល្បែងស៊ីសង និងគ្រឿងញៀនឲ្យអស់តាមបណ្តាភូមិ ឃុំ សង្កាត់ ក្នុងក្រុងព្រះសីហនុ។

បច្ចុប្បន្ន ជនសង្ស័យទាំង៣នាក់ ត្រូវបានកម្លាំងជំនាញកសាងសំណុំរឿង បញ្ជូនទៅតុលាការចាត់ការតាមច្បាប់៕

ករណីគ្រៀងញៀន

ករណីគ្រៀងញៀន

ករណីគ្រៀងញៀន

ករណីគ្រៀងញៀន

ករណីគ្រៀងញៀន

ករណីគ្រៀងញៀន

ករណីគ្រៀងញៀន

មតិយោបល់