ខណៈជីវិត​ហាក់ដូចជា​ជោគជ័យក្នុងអាជីព​សិល្បៈ នោះ អតីត​តកូនក្រុម​អ្នកនាង ពេជ្រ សោភា បាន​បង្ហាញសារ​ទុកសោក និងបង្ហោះ​ វីដេអូឃ្លិប ប្រាប់ទៅកាន់សាធារណៈជន ទាំងទឹកភ្នែក​ថា នាង​លែងមានស្វាមី​ទៀតហើយ​។​

នៅលើគណនីហ្វេសប៊ុក របស់តារាចម្រៀង សាន ស្រីឡៃ បានសរសេរ​រៀបរាប់ថា ជី​វិ​តគូ​រ​​ប​ស់​ខ្ញុំ​​ព្រា​ត់​ប្រា​​ស​ហើយ​ស​ប្បា​យ​ចិ​ត្ដ​ចុះ​ ​​ដក​​ខ្លួ​ន​ដោ​យសុ​វត្ថិភា​ព​ហើយ​ ​o​k ម្នាក់ឯងមិនស្លាប់ទេ… : ) ។​

មើលទៅសាន ស្រីឡៃ ហាក់ដូចជា​មានភាពក្លាហាន បំផុត សម្រាប់រឿង​ឯកជនរបស់នាង​ ដែលខុសពីតារាផ្សេងៗ ព្យាយាម លាក់បាំង នូវ​ចំណុច​រសើប ជាពិសេស បញ្ហាផ្ទាល់ខ្លួននោះ ។

ព័ត៌មាននេះដែរ បានធ្វើឲ្យទស្សនិកជន ភ្ញាក់ផ្អើល បំផុត ដោយម្នាក់ៗ សម្តែងការសោកស្តាយ សម្រាប់ជីវិត​ស្នេហា របស់នាង​ ហើយ​ក៏មានទស្សនិកជន មួយចំនួន បាន​ដាក់គំនាបបន្ថែម ដោយលើកហេតុផលថា តារាខ្មែរ ឲ្យតែល្បីបន្តិច ចាប់ផ្តើម មាន​បញ្ហា ក្នុងគ្រួសារ ជា​ពិសេសដៃគូជីវិត ។​

អ្វីដែលកាន់ជាក់ស្តែង និង យក​ជាការបំផុត នោះ គឺ​សាន ស្រីឡៃ បានបង្ហោះវីដេអូឃ្លិប អមដោយសំឡេង ប៊ែកក្រោន ចម្រៀង ពេជ្រ សោភា ដោយ​និយាយទាំងអួលដើមក លាយឡំទឹកភ្នែកស្រក់ជោគផែនថ្ពាល់ ឲ្យដឹងថា «សាន ស្រីឡៃ ……សានស្រីឡៃ….សាន ស្រីឡៃ………លែង​មានស្វាមីទៀតហើយ​»។​

បញ្ជាក់ផងដែរថា សម្រាប់សាន ស្រីឡៃ ជា​បេក្ខជន The Voice Cambodia រដូវកាលទី​២ ដោយស្ថិតក្នុងលំដាប់ថ្នាក់ Top 4 ហើយពាក់ព័ន្ធ​នឹងជីវិត​ឯកជនរបស់នាង ខាង Post News មិនទាន់សូមការបញ្ជាក់​បាននៅឡើយនោះទេ ថា​ស្នេហានេះបែកបាក់ ដោយសារតែបញ្ហាអ្វី ឲ្យប្រាកដនោះ ៕​

ទស្សនា​វីដេអូឃ្លិបដូចខាងក្រោមនេះ៖
https://www.youtube.com/watch?v=guDJuICi7mw&feature=youtu.be