Mizuno Hikaru អតីតខ្សែបម្រើក្លឹបព្រះខ័នរាជស្វាយរៀង ដែលទើបផ្ទេរមកបឹងកេតអង្គរជាផ្លូវការមុននេះបន្តិច បានបង្ហើបបំណងចង់ឈ្នះគ្រប់ការប្រកួតជាមួយក្លឹបថ្មី តួរយ៉ាងដូចជាការប្រកួត BTV CUP និង TMCC ជាដើម។

តាមរយ:វីដេអូលើទំព័របណ្តាញសង្គមបឹងកេត កីឡាករសញ្ជាតិជប៉ុនរូបនេះបាននិយាយថា គេសប្បាយចិត្តដែលបានមកចូលរួមជាមួយក្លឹបជើងឯកលីគកំពូលកម្ពុជារដូវកាល២០១៥ ហើយគេប្រាថ្នាឈ្នះការប្រកួតទាំងអស់ ពិសេសពានរង្វាន់អន្តរជាតិនានា។

« ខ្ញុំមានអារម្មណ៍ថាសប្បាយដែលបានមកចូលរួមជាមួយក្លឹប ហើយខ្ញុំសន្យាថានឹងប្រឹងជួយក្លឹបអស់ពីលទ្ធភាព។ ខ្ញុំចង់ឈ្នះការប្រកួតទាំងអស់ជាមួយក្លឹប ពិសេសការប្រកួត BTV CUP និង Toyota Mekong Club Championship ជាដើម។ » សម្តី Hikaru ។

Hikaru ជាអតីតសមាជិកព្រះខ័នរាជស្វាយរៀង កាលរដូវកាល២០១៥ ដោយគេបានដើរតួរយ៉ាងសំខាន់នៅតំបន់ខាងលើ ដោយសហការណ៦ជាមួយ ខ្សែប្រយុទ្ធ ប្រាក់ មុន្នីឧត្តម និង Kipson ។

Hikaru ជាសមាជិកទី៧ហើយ ដែលបឹងកេតអង្គរនាំមកចូលក្រុម សម្រាប់ត្រៀមលេងពានរង្វាន់ BTV Cup និង Toyota Mekong Club Championship វគ្គពាក់កណ្តាលផ្តាច់ព្រ័ត្រនាចុងឆ្នាំ២០១៦នេះ។