ភ្នំពេញ: សាកសពជនរងគ្រោះដែលជង់របងផ្ទះប្រជាពលរដ្ឋចំពោះបណ្តាលឲ្យស្លាប់កាលពី២ថ្ងៃមុន ពេលនេះត្រូវបានសមត្ថកិច្ចស្រាវជ្រាវស្គាល់ពីអត្តសញ្ញាណហើយ។

សូមរំឭកផងដែរថា កាលពីវេលាម៉ោង៦និង២០នាទីព្រឹកថ្ងៃទី១៥ ខែវិច្ឆិកា ស្ថិតនៅចំណុចក្រុមទី៥ ភូមិរោងចក្រ១ សង្កាត់ភ្នំពេញថ្មី ខណ្ឌសែនសុខ មានហេតុការណ៍ភ្ញាក់ផ្អើលមួយបានកើតឡើង បន្ទាប់ពីបុរសម្នាក់បានប្រទះឃើញសាកសពរបស់យុវជនម្នាក់មិនស្គាល់ពីអត្តសញ្ញាណ បានស្លាប់ដោតជាប់ពោះទៅនឹងចម្រឹងរបងផ្ទះប្រជាពលរដ្ឋ ទាំងក្បាលសំយុងចុះក្រោម បង្កឲ្យមានការភ្ញាក់ផ្អើលអស់រយ:ពេល២ថ្ងៃរួចមក រហូតមកទល់នឹងព្រឹកថ្ងៃទី១៧ ខែវិច្ឆិកា ឆ្នាំ២០១៦ សាកសពយុវជនដែលត្រូវបានគេសង្ស័យថាបែកថ្នាំ រត់ឡើងលើដំបូលផ្ទះប្រជាពលរដ្ឋបណ្តាលឲ្យឆក់ខ្សែភ្លើងធ្លាក់ជុងលើរបងដែកស្រួចៗស្លាប់ភ្លាមខាងលើ ត្រូវបានសមត្ថកិច្ចស្រាវជ្រាវរកឃើញថាមានឈ្មោះ ឆៃ សុភាព អាយុ២២ឆ្នាំ មុខរបរជាងកាត់ដេរ ស្នាក់នៅសង្កាត់ច្បារអំពៅ ខណ្ឌច្បារអំពៅ មានស្រុកកំណើតភូមិកំព្រៅ ឃុំព្នៅទី១ ស្រុកស៊ីធរកណ្តាល ខេត្តព្រៃវែង ។ ហើយបច្ចុប្បន្នសាច់ញាតិរបស់យុវជនខាងលើ បានធាតុរបស់ជនរងគ្រោះត្រឡប់ទៅស្រុកកំណើត ហើយនៅព្រឹកថ្ងៃទី១៧ ខែវិច្ឆិកានេះ៕