កំពង់ធំ: កាលពីវេលាម៉ោង៤និង៣៥នាទីទៀបភ្លឺ ថ្ងៃទី១៩ ខែវិច្ឆិកា ឆ្នាំ២០១៦ មានករណីរថយន្ដយីឌុបម៉ាកហ៊ីយ៉ាន់ដាយ៥ផ្លូវដឹកទឹកសុទ្ធម៉ាក់វីតាល់ក្រឡាប់ផ្ងារជើង បណ្តាលឲ្យ របួសមនុស្ស៤នាក់ នៅលើកំណាត់ផ្លូវជាតិលេខ៦ ក្នុងភូមិព្រះនង្គ័ល ឃុំចំណារក្រោម ស្រុកស្ទោង ខេត្តកំពង់ធំ ដោយសារបើកបរក្នុងស្ថានភាពងងុយដេក។

សមត្ថកិច្ចមូលដ្ឋានបានឲ្យដឹងថា អ្នកបើកបររថយន្ដឈ្មោះ ម៉ែន ដាន ភេទប្រុស អាយុ៣៦ឆ្នាំ ជាប្ដី របួសស្រាល ប្រពន្ធឈ្មោះ ឡាង ស្រីមុំ អាយុ២៦ឆ្នាំ និងកូនប្រុសឈ្មោះ សេង ដារុង អាយុ១៦ខែ របួសស្រាល អ្នកទាំង៣រស់ក្នុងសង្កាត់ព្រែកព្នៅ ក្រុងភ្នំពេញ និងព្រូឡាន ឈ្មោះ ថុល រាជ ភេទប្រុស អាយុ១៨ឆ្នាំ រស់នៅ ភូមិព្រែកតោង ស្រុកឧត្តុង ខេត្តកំពង់ស្ពឺ រង់របួសស្រាល។

ក្រោយពេលកើតហេតុ សមត្ថកិច្ចបានចុះវាស់វែងធ្វើកំណត់ហេតុ ការពារទ្រព្យសម្បត្តិ និងបញ្ជូនជនរងគ្រោះទៅមន្ទីរពេទ្យដើម្បីសង្គ្រោះ៕