ឥណ្ឌូនេស៊ី: ប្រជាជនឥណ្ឌូនេស៊ីរាប់ពាន់នាក់ បានប្រមូលផ្តុំគ្នាដោយសន្តិវិធី នៅថ្ងៃសៅរ៍នេះ ដើម្បីលើកកម្ពស់ការឯកភាពមួយ ខណ:ដែលពួកគេកំពុងមានព្រួយបារម្ភជាខ្លាំង អំពីការកើនឡើង សញ្ញារើសអើងពូជសាសន៍ និងសាសនានៅឥណ្ឌូនេស៊ី ដែលជាប្រទេសមួយកាន់ម៉ូស្លីមធំបំផុត នៅលើពិភពលោក។ នេះបើយោងតាមរយ: សារព័ត៌ Channel News Asia ចេញផ្សាយថ្ងៃទី១៩ ខែវិច្ឆិកា ឆ្នាំ២០១៦។

មេដឹកនាំសាសនា សមាជិកអង្គការសិទ្ធិមនុស្ស សមាជិកសភា និងប្រជាជនផ្សេងទៀត
បានពាក់អាវក្រហម និងស ដែលតំណាងឲ្យទង់ជាតិប្រទេសឥណ្ឌូនេស៊ី រួចនាំគ្នាដើរហែជាក្បួន តាម
បណ្តោយផ្លូវក្នុងទីក្រុងរដ្ឋានីហ្សាការតា។

យុវជនម្នាក់ឈ្មោះ Iwan Saputra អាយុ ២៥ឆ្នាំ បាននិយាយថា ប្រទេសឥណ្ឌូនេស៊ី
កំពុងមានការបែងចែកក្រុមសាសនា និងប្រកាន់ពូជសាសន៍ ដែលវាអាចឲ្យ
មានចលាចលក្នុងប្រទេស ហើយគាត់បានចូលរួមដើរក្បួននេះ គឺដើម្បីឲ្យមានភាពសាមគ្គី និងរួបរួមគ្នាពីប្រជាជន ក្នុងប្រទេសទាំងមូល។

គួរបញ្ជាក់ដែរថា ជនជាតិមូស្លីមច្រើនជាង ១០០.០០០ នាក់ បានតវ៉ាប្រឆាំងនឹងអភិបាល Basuki Purnama បន្ទាប់ពីប្រមាថកម្ពីកូរានរបស់អ្នកកាន់សាសនាអ៊ីស្លាម កាលពីដើមខែនេះ ហើយត្រូវបានប៉ូលិស បាញ់ឧស្ម័នបង្ហូរទឹកភ្នែក និងបាញ់ទឹក ដើម្បីបង្ក្រាបការតវ៉ានេះ៕