ភ្នំពេញៈ ស្ត្រីម្នាក់បានជេរប្រមាថសមត្ថកិច្ចដែលបានដាក់គោលដៅត្រួតពិនិត្យច្បាប់ចរាចណ៍ជើងគោក យ៉ាងចាស់ដៃ ខណៈ ដែលជិះរថយន្តជាមួយស្វាមី មិនពាក់ខ្សែក្រវ៉ាត់ ហើយត្រូវបានសមត្ថហៅឈប់ដើម្បីធ្វើការផាកពិន័យ។ ករណីនេះបង្កឲ្យមានការភ្ញាក់ផ្អើលកាលពីវេលាម៉ោង៨និង៤០នាទី ព្រឹកថ្ងៃទី១៥ ខែតុលា ឆ្នាំ២០១៦នៅលើកំណាត់ផ្លូវបេតុង២០១១ ភូមិដីថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

បើតាមការរៀបរាប់សមត្ថកិច្ចដែលកំពុងឈរជើងអនុវត្ត ច្បាប់ចរាចរណ៍បានឲ្យដឹងថា មុនពេលកើតហេតុកម្លាំងសមត្ថកិច្ចបានដាក់គោល នៅទីតាំងខាងលើស្រាប់តែមានរថយន្តមួយគ្រឿង ម៉ាក Nisan Navara ពណ៌ខ្មៅ ពាក់ស្លាកលេខភ្នំពេញ 2Z-4212 បើកបរដោយបុរសម្នាក់និងរួមដំណើរដោយស្រ្តីម្នាក់ មិនត្រូវបានស្គាល់អត្តសញ្ញណ បើកបរក្នុងទិសដៅពីជើងទៅត្បូងដោយភាគីខាងស្ត្រីមិនបានពាក់ខ្សែក្រវ៉ាត់ ខណៈដល់ចំណុចគោលដៅត្រួតពិនិត្យទើបស្ត្រីខាងលើទាញខ្សែក្រវ៉ាត់មកពាក់ ពេលនោះសមត្ថកិច្ចហៅរថយន្តឲ្យអែបមកលើចិញ្ចើមផ្លូវស្រាប់តែស្តី្រនោះបានចុចកញ្ចក់ចុះក្រោមហើយសួរថាមូលហេតុអ្វីបានសួរគាត់សមត្ថកិច្ចបានប្រាប់ថាបងស្រីមិនបានពាក់ខ្សែក្រវ៉ាត់ទាល់តែឃើញសមត្ថកិច្ចបានលើកពាក់ក្រោយពីសមត្ថកិច្ចប្រាប់បែបនោះធ្វើឲ្យស្ត្រីខាងលើខឹងច្រឡោត និងជេរប្រមាថលើកម្លាំងសមត្ថកិច្ចយ៉ាងចាស់ដៃ។

សមត្ថកិច្ចបានបន្តទៀតថាករណីខាងលើនេះបុរសជាប្តីមិនមានការតវ៉ាអ្វីទេដោយយល់ព្រមឲ្យសមត្ថកិច្ចចេញវិក័យបត្រផាកពិន័យ អត់ពាក់ខ្សែក្រវ៉ាត់ក្នុង តម្លៃ ២៥,០០០រៀល ។ ក្រោយពីឃើញប្តីព្រមធ្វើទទួលការផាក ពិន័យ ធ្វើឲ្យស្ត្រីខាងលើ ឆេះដុំលើសដើម ជេរប្រមាថសមត្ថកិច្ច ខឹងដោយទាំងប្តីថែមទៀត។ ក្រោយពីជេរប្រមាថទៅលើសមត្ថកិច្ចមួយឆ្អែតហើយស្ត្រីខាងលើបានចេញទៅបាត់ បន្សល់ទុកឲ្យប្តីជាអ្នកដោះស្រាយជាមួយសមត្ថកិច្ច។

ក្នុងហេតុការណ៍ខាងលើនេះក្រោយពីធ្វើការអប់រំសមត្ថកិច្ចបានប្រគល់ឲ្យបុរសជាប្តីបើករថយន្តត្រឡប់ទៅផ្ទះវិញជាធម្មតា ៕