ចិនៈ យោងតាមឧត្តុនិយមចិន បានឲ្យដឹងថា ព្យុះទីហ្វុងឈ្មោះ Sarika កំពុងវាយប្រហារនៅក្នុងខេត្តហៃណាន ភាគខាងត្បូងប្រទេសចិន ដែលបណ្ដាលឲ្យជើងហោះហើរជាច្រើន ត្រូវបានលុបចោល ដោយតែមានភ្លៀងធ្លាក់ និងខ្យល់បោកបក់ខ្លាំង។ នេះបើយោងតាមរយៈ សារព័ត៌មានចិនស៊ិនហួ ចេញផ្សាយនៅថ្ងៃទី១៨ ខែតុលា ឆ្នាំ២០១៦។

ព្យុះនេះ មានអនុភាពខ្យល់បោកបក់ ១៦២ គីទ្បូម៉ែត្រ ក្នុងមួយម៉ោង ហើយមកទល់ពេលនេះ ខាងអាជ្ញាធរបាននិយាយថា ប្រជាជនជាង ១៣.៧០០ នាក់ ត្រូវបានជម្លៀសខ្លួនចេញទៅកាន់ទីកន្លែងសុវត្ថិភាព៕