ភ្នំពេញ: មន្ទីរពេទ្យព្រះកុសុមៈ មានកិត្តយស សូមជម្រាបជូនដំណឹង ដល់បុគ្គលិកមន្ត្រីរាជការមន្ទីរពេទ្យព្រះកុសុមៈទាំងអស់ និងបុគ្គលិក មន្ត្រីរាជការដែលចូលនិវត្តន៍របស់មន្ទីពេទ្យព្រះកុសុមៈ ទាំងអស់ ឲ្យបានជ្រាបថា៖ រាល់ការពិនិត្យ និង​ ព្យាបាលជម្ងឺទូទៅនៅមន្ទីពេទ្យព្រះកុសុមៈ នឹងពុំត្រូវបានបង់ប្រាក់ឡើយ។

ដោយឡែក ជម្ងឺរលាកថ្លើមប្រភេទសេ(C) មន្ទីរពេទ្យមានការព្យាបាលដោយឥតគិតថ្លៃ សម្រាប់ប្រជាពលរដ្ឋ ទូទាំងប្រទេសនិង ដោយមានការសហការជាមួយ អង្គកាគ្រូពេទ្យគ្មានព្រំដែន។

ជាងនេះទៅទៀត សូមជម្រាបជូនដំណឹងដល់ គ្រូពេទ្យព្យាបាលនៅតាមមន្ទីរពេទ្យ បង្អែកខេត្តនានា​ ដែលចង់មកធ្វើកម្មសិក្សា បង្កើនចំណេះដឹង អាចទាក់ទងមកការិយាល័យរដ្ឋបាល របស់មន្ទីរពេទ្យដើម្បី រៀបចំសំណុំបែបបទគតិយុត្តិ៕