កាលពីថ្ងៃទី ២៥ និង ២៦ ខែឧសភា ឆ្នាំ ២០១៧ ក្រុមហ៊ុនអភិវឌ្ឍអចលនទ្រព្យបុរី ប៉េង ហួតបានឈ្នះពានរង្វាន់អចលនទ្រព្យអន្តរជាតិរបស់អង់គ្លេស នៅឯសណ្ឋាគារ The Marriott Marquis queen’s Park បាងកក ប្រទេសថៃ។ នេះបើយោងតាមការប្រកាសរបស់គេហទំព័រ BOREY PENG HUOTH ។​

ក្នុងកម្មវិធីប្រកួតពានរង្វាន់អចលនទ្រព្យអន្តរជាតិនេះ មានការចូលរួមពីបណ្តាក្រុមហ៊ុនអចលនទ្រព្យធំៗដែលល្បីល្បាញជាង ៣០០ មកពីបណ្តាប្រទេសនៅតំបន់អាស៊ីប៉ាស៊ីហ្វិកប្រមាណជា ២៧ ប្រទេសផងដែរ។

ជាមួយនឹងកម្មវិធីប្រកួតប្រជែងនេះ ​បុរី ប៉េង ហួត បានឈ្នះពានរង្វាន់ចំនួន ៤ ដែលក្នុងនោះរួមមាន ជ័យលាភីពានរង្វាន់ស្ថាបទ្យកម្មទេសភាពលំនៅដ្ឋាន, ជ័យលាភីពានរង្វាន់ស្ថាបត្យកម្មពហុលំនៅដ្ឋាន, ជ័យលាភីពានរង្វាន់ គម្រោងអភិវឌ្ឍសួនលំហែរ និងពានរង្វាន់ ស្ថាបយ្យកម្មពហុលំនៅដ្ឋានដែលល្អជាងគេ ( លំដាប់ផ្កាយ៥)៕