អាមេរិក: ប្រភពពីមន្ត្រីយោធា បានឲ្យដឹងថា រដ្ឋាភិបាលក្រុងវ៉ាស៊ីនតោន បានបាញ់សាកល្បងប្រព័ន្ធទម្លាក់គ្រាប់មីស៊ីលឆ្លងទ្វីប (ICBM) ជាលើកដំបូង ដោយទទួលបានជោគជ័យទាំងស្រុង។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី៣១ ខែឧសភា ឆ្នាំ២០១៧។

ទីភ្នាក់ងារប្រព័ន្ធមីស៊ីល (MDA) បាននិយាយថា ការបង្ហាញអំពីការទទួលជោគជ័យលើការធ្វើតេស្តនេះ ត្រូវបានធ្វើទ្បើងនៅឯមូលដ្ឋានអាកាសមួយ ក្នុងរដ្ឋកាលីហ្វញ៉ា ដោយបានបាញ់កម្ទេចមីស៊ីលមួយគ្រាប់ ដែលគេប្រើសម្រាប់សាកល្បង។

ប្រព័ន្ធការពារមីស៊ីលនេះ គឺមានល្បឿនលឿនខ្លាំងណាស់ សម្រាប់គ្រាប់មីស៊ីលរយ:ចម្ងាយវែង ដែលការធ្វើតេស្តនេះ ត្រូវបានគេមើលឃើញថា ធ្វើទ្បើងចំពេលមានតានតឹងជាមួយកូរ៉េខាងជើង៕