ព័ត៌មានកីឡា

អ្នក​កីឡាកាស John Cena ​កំពុង​ចូល​សម្ដែង​រឿង Thor ​?

តារា WWE Superstar និងជាអ្នកល្បីឈ្មោះម្នាក់ក្នុងពិភពកីឡាកាស John Cena ត្រូវបានគេគិតថាកំពុងតែចូលខ្លួនសម្ដែងក្នុងរឿង Thor របស់ Marvel Studios ល្បីល្បាញនៅអាមេរិក។

ដំណឹងមិនទាន់ច្បាស់១០០%នេះ ត្រូវបានបែកធ្លាយឡើងក្រោយ Internet Movie Database (IMDB) បានបញ្ចេញបញ្ជីឈ្មោះតារាសម្ដែងថ្មីក្នុងវគ្គថ្មីនៃរឿង Thor ។ ប្រភពនេះដែរ បានសរសេរទៀតថា John Cena នឹងឡើងតួរជា Superhero ម្នាក់ផងដែរ ដោយសម្ដែងជាតួរល្អ សហការជាមួយ Superhero ផ្សេងទៀត ដើម្បីសង្គ្រោះផែនដី។ យ៉ាងណាមិញ អ្វីដែលច្បាស់១០០%នោះ ត្រូវរងចាំដល់ខែវិច្ឆិកាឆ្នាំក្រោយហើយ ទើបដឹងច្បាស់ ព្រោះរឿង Thor វគ្គថ្មីនេះ នឹងចេញបញ្ចាំងនៅឆ្នាំ២០១៧ឯណោះ។

នេះមិនមែនជាលើកទី១ទេ សម្រាប់តារាកីឡាកាសរបស់អាមេរិកខាងលើនេះ ពោលគឺរូបគេបានសម្ដែងរឿងជាច្រើនមកហើយ រួមមាន “The Marine”, “12 Rounds”, “Trainwreck” និង “Sisters” ដោយមានការគាំទ្រជាច្រើនពីសំណាក់អ្នកគាំទ្រ។

អ្នកកីឡាកាសវ័យ៣៩ឆ្នាំខាងលើ ធ្លាប់បាននិយាយហើយថាអាចនឹងបញ្ចប់អាជីពកីឡាកាសនេះ ក្នុងពេលខាងមុខហើយ ក្រោយពីចំណាយពេល១៧ឆ្នាំជាមួយវា។ ខណ:ដែលបច្ចុប្បន្ននេះ រូបគេក៏មានការងារក្នុងកម្មវិធីទូរទស្សន៍ផ្សេងៗដែរ៕

 

 

មតិយោបល់