Luka Modric បាននិយាយថាការប្រកួតស្មើជាមួយ Barcelona ១-១ នៅដីរបស់ពួកគេ គឺធ្វើឱ្យក្រុម Real Madrid មានអារម្មណ៍ថាដូចជាបានលើកពាន La Liga រដូវកាលនេះអីចឹង។

ការមិនដែលចាញ់របស់ Real Madrid ៣៣ប្រកួតជាប់គ្នា សឹងតែត្រូវបញ្ចប់ទៅហើយកាលពីយប់មិញ ក្រោយពី Luis Suarez តែតចូលមួយគ្រាប់ឱ្យ Barcelona នាំមុខ។ ប៉ុន្តែសំណាងណាស់ Ramos ប្រធានក្រុម Real Madrid រកបាន១គ្រាប់វិញ នៅជិតចប់តង់ទី២ទៅហើយនោះ ពោលគឺធ្វើឱ្យកំណត់ត្រាមិនចាញ់នៅរក្សាដដែល ហើយបន្ដនាំមុខ៦ពិន្ទុទៀត។

ហេតុដូច្នេះហើយ បានជាធ្វើឱ្យ Modric មានអារម្មណ៍ថាខ្លួនដូចជាទទួលបានពានរង្វាន់ទៅហើយ ក្រោយចប់ការប្រកួតយប់មិញ ត្បិតអីវាទើបតែបានប៉ុន្មានប្រកួតពាក់កណ្ដាលរដូវកាលក៏ដោយ។ ឈរកំពូលតារាងហើយ លើស៦ពិន្ទុលើក្រុម Barcelona ទៀត កាន់តែធ្វើឱ្យ Real Madrid មានទំនុកចិត្ត ត្បិតអីដៃគូប្រជែងរបស់គេ សុទ្ធតែនៅក្រោមខ្លួនឆ្ងាយទាំងអស់។

សូមបញ្ជាក់នៅពាក់កណ្ដាលខែ១២នេះ Real Madrid កាន់តែមមាញឹកខ្លាំងមែនទែនហើយ ក្រោយពីពួកគេត្រូវចូលរួមប្រកួតពានរង្វាន់ FIFA Club World Cup នៅប្រទេសជប៉ុនផងនោះ៕

https://youtu.be/rw3njYVqIRQ