លោក Arsene Wenger អ្នកចាត់ការក្រុម Arsenal បានចេញមកបញ្ជាក់ថាលោកមិនលក់ Mesut Ozil ឬ Alexis Sanchez ទៅឱ្យក្លឹបណានោះទេ បើទោះជាពួកគេទាំងពីរនាក់មិនបន្តកុងត្រាថ្មីក៏ដោយ។
នេះមានន័យថាអ្នកចាត់ការរូបនេះ នឹងឱ្យកីឡាករទាំងពីរលេងនៅក្លឹប Arsenal រហូតដល់អស់កុងត្រាតែម្ដង ប្រសិនបើពួកគេមិនព្រមតជាមួយកុងត្រាថ្មីទេនោះ។ Ozil ក៏ដូចជា Sanchez នៅសល់កុងត្រាចាស់តេ១៨ខែទៀតប៉ុណ្ណោះ ខណៈដែលក្លឹបកាំភ្លើងធំក៏បានព្យាយាមបន្តកុងត្រាដល់កីឡាករសំខាន់ទាំងពីរនាក់នេះដែរ។
ដោយឡែកការមិនទាន់អាចបន្តកុងត្រាថ្មីនេះ គឺដោយសារតែកីឡាករពីរនាក់នេះសុទ្ធតែចង់បានតម្លៃប្រាក់ឈ្នួលប្រចាំសប្ដាហ៍ច្រើនជាងមុនទាំងអស់ ពោលគឺ Sanchez ត្រូវបានគេរាយការាណ៍ថាចង់បាន ២០០ ០០០ផោនក្នុងសប្ដាហ៍ ខណៈដែល Ozil វិញ ក៏ត្រូវការប្រហាក់ប្រហែលនេះដែរ។
សូមបញ្ជាក់កុងត្រាចាស់របស់កីឡាករទាំងពីរខាងលើនេះ គឺខ្សែប្រយុទ្ធជម្រើសជាតិឈីលីរកបាន១៣០ ០០០ផោនក្នុងមួយសប្ដាហ៍ ខណៈដែលខ្សែបម្រើជម្រើសជាតិអាល្លឺម៉ង់វិញ រកបាន ១៤០ ០០០ផោនក្នុង១សប្ដាហ៍។ ដោយសារតែប្រាក់ឈ្នួលតិចដូច្នេះហើយ បានជាពួកគេចង់ចាកចេញ ហើយមានក្លឹបជាច្រើនកំពុងតែចាប់អារម្មណ៍ចង់បាន ប្រសិនបើក្រុម Arsenal ព្រមលក់ឱ្យ៕
មតិយោបល់