ក្លឹប Atletico Madrid បានប្ដូរឈ្មោះកីឡដ្ឋានរបស់ខ្លួនពី Vicente Calderon ទៅជា Wanda Metropolitano វិញ និងប្ដូរ Logo ក្លឹបថ្មីផងដែរ ក្រោយពីមានការសហការពីក្រុមហ៊ុនធំមួយរបស់ចិន ឈ្មោះថា Dalian Wanda Group ។
ក្លឹបយក្សនៅអេស្ប៉ាញមួយនេះនឹងប្ដូរកីឡដ្ឋានពី Vicente Calderon ជា Wanda Metropolitano នៅរដូវកាលក្រោយនេះ ខណ:ដែល Logo ថ្មីរបស់ពួកគេវិញ ក៏ត្រូវបានគេគិតថាដូចទៅហ្នឹងរូបរាងរបស់Captain America តួ Hero ក្នុងរឿងអាមេរិកកាំងផងដែរ។
លោក Enrique Cerezo ប្រធានក្លឹប At Madrid បាននិយាយដូច្នេះថា៖ “ខ្ញុំពិតជាមានមោទនភាពក្នុងការនិយាយថាយើងបានសម្រេចសហការជាមួយ Wanda ដើម្បីដាក់ឈ្មោះកីឡដ្ឋានថ្មីរបស់យើងហើយ។ ពួកគេជាដៃគូល្អរបស់យើង ក្នុងដំណើរឆ្ពោះទៅរកភាពជោគជ័យនៅថ្ងៃអនាគត”។
Atletico Madrid បានឈ្នះបាន La Liga កាលពីរដូវកាល២០១៤កន្លងទៅ ហើយឡើងដល់វគ្គផ្ដាច់ព្រ័ត្រ UEFA Champions League បាន២ដងមកហើយ។ ការផ្លាស់ប្ដូរកីឡដ្ឋានរបស់គេទៅរកកីឡដ្ឋានថ្មីនេះ គឺអាចនឹងផ្ទុកមនុស្សបានដល់ទៅ ៦៧ ០០០នាក់ឯណោះ៕
មតិយោបល់