Sergio Ramos បានក្លាយជាវិរបុរសរបស់ Real Madrid ទៀតហើយ ក្រោយពីរូបគេជាអ្នករកគ្រាប់បាល់ជ័យជម្នះចុងម៉ោង ៣-២ លើក្រុមDeportivo la Coruna ដើម្បីបន្តកំណត់ត្រាមិនចាញ់៣៥ប្រកួត។
Real Madrid ពិតជាហ៊ានមែនទែន ដោយបានដកកីឡាករសំខាន់ៗ៣នាក់ដូចជា Cristiano Ronaldo, Karim Benzema និង Luka Modric ជាដើម ដើម្បីត្រៀមចូលលេងពានរង្វាន់ FIFA Club World Cup នៅប្រទេសជប៉ុន។ ដោយការប្រកួតនៅ La Liga យប់មិញ ពួកគេបានប្រើយុវជនច្រើន ឱ្យចូលលេង ហើយសឹងមិនទទួលបានជ័យជម្នះទៅហើយ។
តែយ៉ាងណាក៏ដោយ Ramos មិនធ្វើឱ្យលោក Zidane ខកបំណងនោះទេ ពោលគឺរូបគេនេះហើយ ជាអ្នករកបានគ្រាប់បាល់ជ័យជម្នះនៅនាទី៩០+ ទៅហើយ ដោយការតែតមួយក្បាលយ៉ាងស្អាតបញ្ជូលទីក្រុម Deportivo តែម្ដង។ មិនត្រឹមតែ Ramos ទេ ដែលគេឃើញថាលេងល្អ សូម្បីតែយុវជន Mariano Diaz ក៏បង្ហាញសមត្ថភាពល្អដែរ ពោលគឺកីឡាកររូបនេះហើយជាអ្នករកគ្រាប់បាល់ទី២ឱ្យ Real Madrid ស្មើ មុន Ramos តែតយកជ័យជម្នះ។
៣ពិន្ទុយប់មិញ បានធ្វើឱ្យ Real Madrid បន្ដឈរកំពូលតារាង La Liga ដដែល ហើយដាច់ក្រុមគូប្រជែង Barcelona ៦ពិន្ទុឯណោះ៕
មតិយោបល់