ព័ត៌មានកីឡា

គេ​ឆ្ងល់​គ្រប់​គ្នា​ថា Ronaldo ឈ្នះ​ពាន​កូន​សោរ​មួយ​នោះ ​ជា​អ្វី​ទៅ?

ក្រោយ​ពី​ជួយ​ក្រុម Real Madrid ​ឈ្នះ​ពាន FIFA Club World Cup 2016 ​នៅ​ប្រទេស​ជប៉ុន​នោះ Cristiano Ronaldo ​បាន​ទទួល​ពាន​រង្វាន់​ផ្ទាល់​ខ្លួន​ចំនួន​ពីរ​ក្នុង​ព្រឹត្តិការណ៍​មួយ​នេះ។

ដោយ​ពាន​ទី​១​របស់​គេ​គឺ​ជា​ពាន​រង្វាន់​កីឡាករ​ល្អ​ជាង​គេ​ប្រចាំ​ព្រឹត្តិការណ៍ ​និង​ពាន​រង្វាន់​មួយ​ទៀត​ជា​ពាន​តំណាង​ដោយ​កូន​សោរ​ឡាន​ធំ​មួយ ​ដែល​សូម្បី​តែ​ Ronaldo ​ផ្ទាល់​ក៏​មាន​ចម្ងល់​ចំពោះ​វា​ផង​ដែរ។ ពាន​រង្វាន់​កូន​សោរ ​គឺ​មាន​ឈ្មោះ​ថា Alibaba YunOS Auto Award ​ដែល​ជា​ក្រុមហ៊ុន​ Sponsored ​ធំ​ក្នុង​កម្មវិធី FIFA Club World Cup ​នេះ​តែ​ម្ដង។

បើ​តាម​ការ​បញ្ជាក់​វា​ជា​ឡាន​ទំនើប​មួយ​ប្រភេទ ​ដែល​ក្រុមហ៊ុន​មួយ​នេះ​ប្រគល់​ឱ្យ​កីឡាករ​លេង​ល្អ​ជាង​គេ​ក្នុង​ព្រឹត្តិការណ៍ ​ខណ:​ដែល​អ្នក​គ្រប់​គ្នា​ក៏​ចង់​ឃើញ​វា​នៅ​ពេល​ឆាប់​ៗ​នេះ​ដែរ ព្រោះ​វា​ជា​រថយន្ដ​កម្រ​ណាស់។ ខណ:​ដែល Ronaldo ​ផ្ទាល់​ក៏​ត្រូវ​បាន​គេ​ដឹង​ថា​ពេញ​ចិត្ត​នឹង​វា​ខ្លាំង​ណាស់​ដែរ៕

 

 

មតិយោបល់