លោក ហ៊ុន ចាន់រាជ គ្រូបង្វឹកក្រុម Cambodia Top Team និងជាអ្នករៀបចំការប្រកួតកីឡាយុទ្ធគុនចម្រុះ MMA នៅបុណ្យសមុទ្រ កាលពីព្រឹកមិញ ជឿថា វត្តមានកីឡាបែបបច្ចឹមប្រទេសមួយនេះ នឹងទាក់ទាញបានមហាជនចាប់អារម្មណ៍ និងគាំទ្រវិស័យ MMA កាន់តែច្រើន។

« បាទការរៀបចំនេះគឺប្លែកៗមែនទែន តាំងពីកីឡាករដែលពុំសូវបានប្រកួត គាត់មានឱកាស។ មួយទៀតគឺបានមហាជនមើលច្រើន ដូច្នេះពួកគាត់និងបានស្គាល់ ទទួល និងឲ្យតម្លៃការប្រកួតក្នុងទ្រុងនេះកាន់តែច្រើន» សម្តីលោក ហ៊ុន ចាន់រាជ ប្រាប់ Post Sport ។

នេះជាលើកទី១ហើយ ដែលកីឡា MMA ចូលរួមបុណ្យសមុទ្រ ដោយការរៀបចំប្រកួតមាន៦គូ ហើយលទ្ធផលដូចខាងក្រោម៖

១. ខ្លារខិន ស្មើពិន្ទុ ពន្លឺវិបុលរឹទ្ធី

២.ឡាញ់ ផល្លា ស្មើពិន្ទុ ពូ ឡុង

៣.អេ យ៉ានុត ឈ្នះពិន្ទុ វី ស្រីឆាយ

៤. ចាន់ ហេង ផ្តួល សួ​ធារឹទ្ធ ទឹកទី១

៥. ថៃ រឹទ្ធី ផ្តួល ទឹម សាន្ត ទឹកទី២

៦. ផាត សូដា ស្មើពិន្ទុ ឡុង ប៊ុនយីម