ខ្សែប្រយុទ្ធដែលមានកាយសម្បទារឹងមាំ និងពោរពេញទៅដោយថាមពល Mario Balotelli បានសម្រេចចិត្តផ្លាស់ពីលីគកំពូលបារាំង​ មកកាន់ក្រុម Dortmund។

ក្រោយពីការទៅលេងនៅក្រុម Nice ហាក់មិនទទួលបានជោគជ័យជាដុំកំភួននោះ ខ្សែប្រយុទ្ធអ៊ីតាលី Mario Balotelli បានមកបន្តអាជីពនៅក្រុម​ Dortmund ដោយមិនមានតម្លៃខ្លួនផ្ទេរឡើយ។ Balotelli គឺជាខ្សែប្រយុទ្ធដ៍ខ្លាំងក្លាមួយរូប ក៍ប៉ុន្តែកីឡាករមួយនេះ មានឈាមរាវបន្តិច ងាយខឹងងាយក្រោធ ហើយតែងតែបង្កនូវអំពើហិង្សាក្នុងការប្រកួត។ យ៉ាងណាក៍ដោយ នៅមួយរយ:ចុងក្រោយនេះ Balotelli ហាក់មានការកែអត្តចារិកបានច្រើនជាងមុន មិនតែប៉ុណ្ណោះ តារារូបនេះកំពុងតែលេងបានយ៉ាងល្អផងដែរ។

ខ្សែប្រយុទ្ធសញ្ជាតិអុីតាលីរូបនេះ បានសម្រេចចិត្តចាកចេញពីក្រុម Nice មកកាន់ Dortmund ដើម្បីស្វែងរកកន្លែងថ្មី ដែលផ្តល់នូវអនាគតឡើងវិញសម្រាប់តារាដ៍ឆ្នើមរបស់អ៊ីតាលីរូបនេះ។ Balotelli ធ្លាប់បានលេងឲ្យក្រុម Man City, Liverpool, Inter Milan, AC Milan និង Nice ហើយចុងក្រោយនេះរូបគេនឹងមកកាន់ Dortmund៕