ព័ត៌មានកីឡា

Griezmann ​ដាក់​១​ម៉ាត់​ធ្វើ​ឱ្យ Man Utd ​ដែល​ចង់​បាន​ខ្លួន ​អាច​ចុក​ឈាម​បាន

Manchester United ​ជា​ក្លឹប​តែ​មួយ​គត់​ដែល​គេ​មើល​ឃើញ​ថា​មាន​ភាគរយ​ខ្ពស់​មែនទែន​ក្នុង​ការ​ប្រជែង​យក Antoine Griezmann ​បាន​ពី​ក្លឹប Atletico Madrid ​នៅ​ខែ​មករា​នេះ​ឬ​រដូវ​ក្ដៅ​ខាង​មុខ។

យ៉ាងណាមិញ ​ទាក់ទង​នឹង​បញ្ហា​នេះ​ដែរ ​ខ្សែ​ប្រយុទ្ធ​ជម្រើស​ជាតិ​បារាំង​ខាង​លើ​នេះ​បាន​បោះ​ពាក្យ​សម្ដី​១​ឃ្លា ​ដើម្បី​ឱ្យ​អ្នក​គាំទ្រ​ទាំង​អស់​ស្ងប់​ចិត្ត ​ក៏​ដូចជា​បំបាត់​ពាក្យ​ចចាមអារ៉ាម​ផង​ដែរ។ ខ្សែ​ប្រយុទ្ធ​រូប​នេះ​បាន​បង្ហើប​ថា​៖ “ខ្ញុំ​មិន​ចូល​ចិត្ត​សំនួរ​ទាក់ទង​រឿង​អនាគត​នេះ​ទេ។ ខ្ញុំ​សប្បាយ​ចិត្ត​នៅ AT Madrid ​សូម​កុំ​សួរ​ខ្ញុំ​រឿង​អនាគត​របស់​ខ្ញុំ​បន្ដ​ទៀត​អី”។

Man Utd ​ចង់​បាន​កីឡាករ​ខាង​លើ​នេះ​តាំង​ពី​ដើម​រដូវកាល​មុន​មក​ម្ល៉េះ ​ប៉ុន្តែ​សាមី​ខ្លួន​បញ្ជាក​ថា​មិន​ទាន់​ចង់​ចាកចេញ​ពី​អេស្ប៉ាញ​នោះ​ទេ។ ស្រប​ពេល​កន្លង​មក​នេះ ​មាន​ដំណឹង​ថា​លោកDiego Simeone ​ចង់​ចាកចេញ​ពី AT Madrid ​ដែរ​នោះ ​ទើប​មាន​ដំណឹង​ជា​ច្រើន​ចុះ​ផ្សាយ​ថា Man Utd ​កំពុង​តែ​ប្រមាញ់​ខ្សែ​ប្រយុទ្ធ​វ័យ​២៥​ឆ្នាំ​រូប​នេះ​ម្ដង​ទៀត​ហើយ។

Griezmann ​កាល​ពី​រដូវ​កាល​មុន​បាន​ខក​ចិត្ត​២​លើក​ឯ​ណោះ ​ដោយ​លើក​ទី​មួយ​ជាមួយ​ក្រុម AT Madrid ​នេះ ​ដោយ​ចាញ់​ Real Madrid ​វគ្គ​ផ្ដាច់ព្រ័ត្រ​ពាន​រង្វាន់ UEFA Champions League ​ខណ:​ដែល​លើក​ទី​២ ​គឺ​លេង​ឱ្យ​ជម្រើស​ជាតិ​បារាំង​ចាញ់​ក្រុម​ព័រទុយហ្គាល់​វគ្គ​ផ្ដាច់ព្រ័ត្រ​ពាន Euro2016៕

មតិយោបល់