នៅចុងសប្តាហ៍នេះ កាំភ្លើងធំ Arsenal និងបើកទ្វារផ្ទះ ទទួលក្រុមបីសាចក្រហម Manchester Unitedដែលនឹងក្លាយជាការប្រកួតដ៏ធំនៅ Premire League យប់នេះ។

Arsenal ហាក់ដូចជាស្រេកឃ្លានជ័យជំនះនេះ ខ្លាំងណាស់ ព្រោះបើ Arsenal នៅតែបន្តចាញ់ និងស្មើការប្រកួតនេះទៀត នោះ Arsenal​ នឹងប្រឈមមុខជាមួយនឹងការបាត់បង់ឱកាសលេងពានរង្វាន់ទ្វីបអឺរ៉ុប។ ជាការពិតណាស់​ គិតត្រឹម ៣៣ប្រកួតកន្លងមក Arsenal មាន៦០​ ពិន្ទុក្នុងដៃ ខណៈ Arsenal នៅមានការប្រកួត២​​ នៅក្នុងដៃនៅឡើយ ជាហេតុធ្វើឲ្យ Arsenal​ នៅពុំទាន់បាត់ឱកាសនៅឡើយ។

ចំណែកបីសាចក្រហម Manchester United វិញ ថ្វីត្បិតតែពិន្ទុរបស់ពួកគេ មិនទាន់សុវត្ថិភាព ក្នុងការលេង Champion League និង Europa League តែបីសាចក្រហមកំពុងតែខ្វល់ខ្វាយ ក្នុងការប្រកួត Europa League វគ្គពាក់កណ្តាលផ្តាច់ព្រ័ត្រ ដែលតម្រូវឲ្យ Manchester United​ ប្រឹងប្រែងបំផុត ដើម្បីឡើងទៅវគ្គផ្តាច់ព្រ័ត្រ និងការឈ្នះពានមួយនេះ។ ដូច្នេះហើយ នៅក្នុងរាត្រីនេះ Arsenal និងដាក់កីឡាករពេញជើង ខណៈ ​Manchester United នឹងមិនដាក់កីឡាករពេញជើងនៅក្នុងការប្រកួតនេះឡើយ៕