James Rodriguez ​រក​គ្រាប់​បាល់​បាន​២​គ្រាប់​​ឱ្យ​ក្រុម Real Madrid ​យក​ឈ្នះ​ក្រុម Sevilla ​៣-០ ​ក្នុង​ការ​ប្រកួត Copa del Rey ​កាល​ពី​យប់មិញ​នេះ។

Real Madrid ​មិន​មាន​កីឡាករ​សំខាន់​ៗ​ច្រើន​ទេ កាល​ពី​​យប់មិញ ​ដោយ​ភាគ​ច្រើន​ពួកគេ​ដាក់​កីឡាករ​បម្រុង​ឱ្យ​ចូល​លេង​នៅ​ជម្រើស​ដំបូង។ ត្បិត​តែ​បម្រុង​មែន ​ប៉ុន្តែ​សមត្ថភាព​មិន​ណយ​ឡើយ ​តួយ៉ាង​ដូចជា James ​ជា​ដើម ​អាច​រក​គ្រាប់​បាល់​បាន​ដល់​ទៅ​២​គ្រាប់​ឯ​ណោះ។ ដោយ​១​គ្រាប់​រក​បាន​នៅ​នាទី​១១ ​និង​១​គ្រាប់​ទៀត​រក​​បាន​នៅ​នាទី​៤៤​ដោយ​បាល់​កាត់​សេចក្ដី​១១​ម៉ែត្រ។ ​ខណៈ​ដែល​គ្រាប់​ទី​៣​របស់ Real ​ធ្វើ​បាន​ដោយ​ Varane ​នៅ​នាទី​២៩។

ជ័យជម្នះ​យប់មិញ​នេះ ​បាន​ធ្វើ​ឱ្យ Real Madrid ​បន្ដ​កំណត់​ត្រា​មិន​ចាញ់​របស់​ខ្លួន​រហូត​ដល់​៣៨​ប្រកួត​ហើយ ខណៈ​ដែល​ក្រុម​មួយ​នេះ​នៅ​ពាន La Liga ​ក៏​កំពុង​តែ​ស្ថិត​នៅ​លើ​គេ​ផង​ដែរ៕

https://www.youtube.com/watch?v=1WXUpL1iD-I