ក្លឹបអ្នកមាននៅចិន កំពុងតែតាមប្រមាញ់យកកីឡាករ៣នាក់នៅលីគកំពូលអង់គ្លេសរួមមាន Dele Alli , Harry Kane និង Daniel Sturridge ជាដើម ឱ្យហ៊ានឱ្យតម្លៃពលកម្មខ្ពស់ខ្លាំងមែនទែន។
កីឡាករធ្លាប់មានប្រជាប្រិយភាពខ្លាំងៗ មួយចំនួនសុទ្ធតែផ្លាស់ទៅលេងនៅលីគកំពូលចិនអស់ហើយ ដោយសារតែអំណាចទឹកប្រាក់ដែលច្រើនលើសលប់មិនអាចប្រកែកបាន។ ខណ:ដែលការចង់បានមិនទាន់គ្រប់គ្រាន់ ក្លឹបនៅចិនទាំងអស់នោះនៅតែព្យាយាមទាក់ទាញយកកីឡាករល្អៗបន្ថែមទៀត នៅខែមករានេះដែលជាពេលដោះដូរកីឡាករនៅតំបន់អឺរ៉ុប។
ដោយបច្ចុប្បន្ននេះ ក្លឹបនៅ Chinese Super League បានមើលឃើញកីឡាករនៅអង់គ្លេស៣នាក់ហើយគឺ Dele Alli , Harry Kane និង Daniel Sturridge ដោយបានឱ្យតម្លៃពលកម្មដល់ទៅ ៨០០ ០០០ផោនឯណោះក្នុង១សប្ដាហ៍សម្រាប់កីឡាករម្នាក់ៗ។ ដោយតម្លៃនេះ វាហាក់ដូចជាខ្ពស់ខ្លាំងមែនទែន បើធៀបទៅនឹងតម្លៃពលកម្មរបស់ពួកគេនៅក្លឹបអង់គ្លេស។
យ៉ាងណាមិញ សំណើរនេះនៅមិនទាន់បានសម្រេចឬកីឡាករបង្ហាញចំណាប់អារម្មណ៍នៅឡើយទេ ដោយត្រូវរង់ចាំមើលបន្តិចទៀតសិន៕
មតិយោបល់