FC Barcelona ជាក្លឹបធំមួយនៅអេស្ប៉ាញ ហើយក៏មានភាពល្បីល្បាញខាងចំណាយប្រាក់ទិញកីឡាករល្អៗចូលក្រុមច្រើនដែរក្នុង១ឆ្នាំ។ យ៉ាងណាមិញ ទន្ទឹមនឹងនោះដែរ ពួកគេក៏ធ្លាប់បរាជ័យទិញកីឡាករថ្មីចូល ហើយលេងមិនកើតដែរ ដូចខាងក្រោមនេះ៖
១. Alexis Sanchez 2011-2014
Sanchez ជាកីឡាករលេចធ្លោម្នាក់ក្នុងក្រុម ប៉ុន្តែសមត្ថភាពរបស់គេមិនអាចប្រៀបនិងលេងជាមួយ Lionel Messi ត្រូវគ្នានោះទេ ទើបតម្រូវឱ្យអនាគតរបស់បានបាត់បង់ ហើយក្លឹប Barcelona ក៏សម្រេចចិត្តទិញ Suarez មកជំនួស។
២. Cesc Fabregas 2011-2014
Fabregas ក៏ដូចគ្នា រូបគេលេងនៅ Arsenal ល្អខ្លាំងមែនទែន ប៉ុន្តែពេលផ្ទេរទៅលេងនៅ Barcelona ហាក់ដូចជាធ្លាក់ជើងទៅវិញ។ ត្បិតតែមិនសូវបានចូលលេងច្រើនមែន ប៉ុន្តែ៣ឆ្នាំរបស់គេក៏បានជួយក្លឹបនេះឈ្នះពានរង្វាន់ផងដែរ។
៣. Zlatan Ibrahimovic 2009-2010
Zlatan លេងល្អ ប៉ុន្តែក្រោមការដឹកនាំរបស់លោក Pep នៅគ្រានោះ រូបគេបែរជាមិនសូវបានចូលលេងទៅវិញ។ អ្វីដែលគួរឱ្យស្ដាយថែមទៀតនោះ នៅកាលនោះ លេចលឺដំណឹងថាកីឡាកររូបនេះឈ្លោះជាមួយអ្នកចាត់ការថែមទៀតផង ទើបផ្លាស់ចេញទៅ AC Milan ក្រោមលក្ខខណ្ឌខ្ចីជើង១ឆ្នាំ និងទិញដាច់តែម្ដង។
៤. Ricardo Quaresma, 2003-04
ត្រឹមវ័យ១៩ឆ្នាំ Quaresma ត្រូវបានក្លឹបធំៗនៅអឺរ៉ុបជាច្រើនចង់បាន ប៉ុន្តែរូបគេបានជ្រើសរើសយក FC Barcelona នៅគ្រានោះ។ យ៉ាងណាមិញ១រដូវកាលបង្ហាញខ្លួន២៨ប្រកួត រកបាន១គ្រាប់ ខ្សែប្រយុទ្ធស្លាបរូបនេះក៏ត្រូវក្លឹបអ្នកមានបុណ្យលក់ឱ្យទៅ FC Porto តែម្ដង។
៥. Alex Song 2012-2016
Alex Song លេងនៅ Arsenal បានច្រើនហើយទម្រង់ក៏ល្អទៀត ប៉ុន្តែពេលផ្លាស់ទៅលេងនៅ Barcelona វិញ ហាក់ដូចជាចប់តែម្ដង ដោយរូបគេត្រូវបានក្លឹបនេះហាក់ឱ្យក្លឹបដទៃខ្ចីជើងរហូត មុនផ្ទេរទៅលេងនៅ Robin Kazan ដាច់៕
មតិយោបល់