ក្រុមក្រសួងការពារជាតិ ( ទ័ព ) នឹងចេញដំណើរទៅប្រកួតមិត្តភាពតទល់ក្រុម Biriram United នាវេលាម៉ោង៥ព្រឹកថ្ងៃស្អែក ដើម្បីជម្រះបញ្ជីឲ្យភ្នំពេញក្រោនដែលទើបចាញ់ ៦ – ០ កាលពីយប់មិញ។

តាមការបញ្ជាក់របស់លោក ខូវ ឆាយ អ្នកចាត់ការទូទៅក្រុមក្រសួងការពារជាតិ ឲ្យដឹងថាក្រុមខ្លួននឹងធ្វើដំណើរតាមរថយន្តក្រុងទៅកាន់ Biriram ផ្ទាល់តែម្តង។ ចំណែកការប្រកួតនឹងធ្វើឡើងនាល្ងាចថ្ងៃទី២២ ខែមករា ខាងមុខនៅកីឡដ្ឋានរបស់ក្រុមម្ចាស់ផ្ទះ។

ក្រោយជំនួបនេះ ក្រុមជើងឯកហ៊ុនសែនខាប់ឆ្នាំ២០១៦របស់កម្ពុជា ក៏នឹងធ្វើដំណើរបង្ហួសទៅទីក្រុងបាងកក ដើម្បីបន្តប្រកួតមិត្តភាពជាមួយក្រុម Amry United របស់ថៃ នាថ្ងៃទី២៦ ខែមករាខាងមុខ។