ខ្សែប្រយុទ្ធឆ្នើម Cristiano Ronaldo និងខ្សែការពារស្លាបឆ្វេងដ៍មានប្រជាប្រិយភាព Marcelo កំពុងតែបញ្ចុះបញ្ចូល James Rodriguez មិនឲ្យចាកចេញពី Bernabue។

ជាលើកទី ១ ហើយដែលកីឡាករឆ្នើម ២ រូប របស់ក្រុមជើងឯក Laliga ៣៣ ជំនាន់ Real Madrid ចេញមុខមកឃាត់ James Rodriguez កុំឲ្យចាកចេញពីក្លិប ទោះបីនេះគឺជាវាចារ ចេញពីបបូរមាត់របស់ Ronaldo និង Marcelo ក៍ដោយ តែវាហាក់ដូចជាយឺតពេលទៅហើយសម្រាប់ការឃាត់ឃាំងកីឡាករកូឡុំប៊ីរូបនេះ ដោយសារតែ​​ James មិនចង់បន្តអាជីពនៅ Real Madrid ឡើយ ព្រោះលោក Zidane ហាក់មិនបានផ្តល់ឳកាស លេងក្នុងជម្រើស ១១ នាក់ដំបូងឡើយ។

ម្យ៉ាង ក្នុងការធ្វើបទសំភាសន៍ជាមួយ Eduardo Inda អ្នកសារពត៌មាននៅអេស្ប៉ាញ James បាននិយាយថា រូបគេចង់ស្វែងរកទ្រនុំថ្មី ដែលផ្តល់ភាពកក់ក្តៅដល់រូបគេ Real មិនមែនជាកន្លែងល្អសម្រាប់គេឡើយ ព្រោះបើចាកចេញ អនាគត់របស់គេ នឹងអាចល្អប្រសើរជាងនេះ។ ថ្វីបើ Ronaldo និង Marcelo ចង់ឲ្យ រូបគេបន្តនៅ Real Madrid ទៀតក៍ដោយតែ James នៅតែចាកចេញ ដើម្បីសាងស្នាដៃបន្តទៀតក្នុងអាជីពបាល់ទាត់របស់គេ។