ក្រុមតោខៀវ Chelsea នៅមិនទាន់អស់សង្ឃឹម ក្នុងការលេង Champion League ឆ្នាំក្រោយឡើយ ដរាបណា ការប្រកួត Premier League នៅមិនទាន់​ចប់ជាស្ថាពរនោះ។

បន្ទាប់ពីប្រកួតឈ្នះ ក្រុម Burney ២-១ យប់មិញនេះ បានធ្វើឲ្យក្រុមតោខៀវ Chelsea បន្តក្តីសង្ឃឹម ក្នុងការមានវត្តមាន នាពានរង្វាន់កំពូលអឺរ៉ុប UEFA Champion League រដូវកាលក្រោយទៀត។ Chelsea មួយរយៈចុងក្រោយនេះ ហាក់លេងធ្លាក់ទម្រថ់យ៉ាងខ្លាំង ជាហេតុធ្វើឲ្យពួកគេ របូតតំណងតាំងពីលេខ៣ ធ្លាក់រហូតដល់លេខ៥ ក្នុងតារាង Premier League ។

យ៉ាងណាវិញ វាមិនទាន់បញ្ចប់ឡើយ សម្រាប់ក្រុមជើងឯកចាស់មួយនេះ ក្នុងការ​ដណ្តើមយកកៅអី ពានអឺរ៉ុបឆ្នាំក្រោយនោះ ព្រោះថាគម្លាតពិន្ទុរបស់ Chelsea ប្រកៀកប្រកិតគ្នា ជាមួយក្រុមលេខ៣ និងលេខ៤ ក្នុងតារាងនៅឡើយទេ។ ជាក់​ស្តែងណាស់ Chelsea គិតត្រឹមសប្តាហ៍ទី៣៤ នេះ មាន៦៣ពិន្ទុក្នុងដៃ ខណៈក្រុម Tottenham មាន ៦៨ពិន្ទុ និង Livepool មាន ៧០ពិន្ទុក្នុងដៃ ចំណែកក្រុមតាមពីក្រោយ Arsenal វិញមានត្រឹម ៥៤ពិន្ទុប៉ុណ្ណោះ។

ដូច្នេះហើយ នៅសល់ ៤ប្រកួតចុងក្រោយនេះ នឹងក្លយាយជាសមរភូមិតានតឹងរវាង​ក្រុមកំពូលៗ នៅអង់គ្លេស ដើម្បីដណ្តើមយកកៅអី Chmpion League ហើយ ខណៈក្រុម Manchester City និង Manchester United កក់កៅអីស្រាប់ រង់ចាំក្រុម២ផ្សេងទៀត ដែលប្រកួតប្រជែងគ្នា មាន Liverpool, Tottenham និង Chelsea ។

https://www.youtube.com/watch?v=ZqksFj6EZgY