ក្លឹប Arsenal អាចនឹងបណ្ដេញអ្នកចាត់ការ Arsene Wenger ចោលភ្លាម ប្រសិនណាបើក្លឹបនៅតែមិនអាចយកឈ្នះក្រុមបាតតារាង Hull City បានទៀតនៅល្ងាចនេះ។
នៅល្ងាចម៉ោង ៧:៣០នាទីនេះ ក្រុម Arsenal នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Hull City ក្នុងសប្ដាហ៍ទី២៥នៃពានរង្វាន់ English Premier League ។ ខណ:ដែលការប្រកួតនេះទៀតសោត អាចជាប្រកួតកាត់សេចក្ដីសម្រាប់អ្នកចាត់ការ Wenger ក៏ថាបាន ព្រោះថាក្លឹបអាចនឹងធ្វើការសម្រេចចិត្តប្ដូរអ្នកចាត់ការ បើពួកគេនៅតែមិនអាចយកឈ្នះក្រុមបាតតារាង Hull City បានទៀតនោះ។
ក្រុម Arsenal អាចនឹងលែងបានឈរជើងនៅ Top4 បានទៀត ប្រសិនណាបើពួកគេនៅតែមិនអាចរកឃើញជ័យជម្នះបាន ខណ:ដែលបច្ចុប្បន្ននេះស្ថិតនៅលេខរៀងទី៤តែឈ្នះពិន្ទុក្រុមលេខ៥ Liverpool តែ១ពិន្ទុប៉ុណ្ណោះ។ ស្របពេលឈ្នះពិន្ទុក្រុមលេខ៦ Manchester United តែ២ពិន្ទុ។
ដូច្នេះមានន័យថាប្រសិនណាបើហ៊ានតែភ្លាត់ចាញ់ការប្រកួតនេះ ហើយក្រុមលេខ៥និងលេខ៦បានឈ្នះដៃគូរបស់ពួកគេយកបាន៣ពិន្ទុបន្ថែមនោះ គឺក្រុមកាំភ្លើងធំនឹងត្រូវធ្លាក់ចេញពីតំណែង Top4 ប៉ុណ្តោះអាសន្នហើយ៕
មតិយោបល់