ព័ត៌មានកីឡា

អ៊ីតាលី និង ជប៉ុន ប្រជែងគ្នាឡើងវគ្គខ្វែង FIFA World Cup U-20

ក្រុមបាល់ទាត់ អ៊ីតាលី បានយកឈ្នះ អាហ្វ្រិកខាងត្បូង ២ទល់០ ខណះក្រុម ជប៉ុន បានចាញ់ក្រុម  អ៊ុយរ៉ាហ្គាយ ២ទល់០ ដូចគ្នាកាលពីម្សិលមិញ ដែលធ្វើឲ្យក្រុមទាំងពីរ ត្រូវការឈ្នះនៅជំនួបចុងក្រោយក្នុងពូល D ។

ក្រុមយុវជនអាយុក្រោម ២០ឆ្នាំ របស់អ៊ីតាលី និង ជប៉ុន ត្រូវប្រកួតផ្តាច់ព្រ័ត្រក្នុងពូល D នៅថ្ងៃទី ២៧ ខាងមុខនេះ ដើម្បីកាត់សេចក្តីថា ក្រុមណាមួយ ដែលនឹងឡើងទៅវគ្គខ្វែងបន្តទៀត។ ឆ្លងកាត់ការប្រកួត ២ លើកកន្លងមក ក្រុមអ៊ីតាលីប្រកួតបើកឆាកចាញ់ក្រុម អ៊ុយរ៉ាហ្គាយ ១ទល់០ និងឈ្នះក្រុម អាហ្វ្រិកខាងត្បូង ២ទល់០ មាន ៣ ពិន្ទុក្នុងដៃ ឈរលេខ ២ ក្នុងពូល ចំណែកក្រុម ជប៉ុន វិញ ២ ប្រកួតកន្លងមកមាន ៣ ពិន្ទុដូចគ្នា ដោយប្រកួតដំបូងឈ្នះ អាហ្វ្រិកខាងត្បូង ២ទល់១ និងចាញ់ក្រុម អ៊ុយរ៉ាហ្គាយ ២ទល់០។

ដូច្នេះហើយការប្រកួតរវាង អ៊ីតាលី និងជប៉ុននៅថ្ងៃទី ២៧ ខាងមុខនេះ​ ពិតជាសំខាន់ខ្លាំងណាស់សម្រាប់ក្រុមទាំង ២ ៕

ខាងក្រោមនេះជាពិន្ទុនៅពូល D៖
១. អ៊ុយរឡាហ្គាយ ៦ ពិន្ទុ
២. អ៊ីតាលី​ ៣ ពិន្ទុ
៣. ជប៉ុន ៣ ពិន្ទុ
៤. អាហ្វ្រិកខាងត្បូង ០ ពិន្ទុ

មតិយោបល់