តាមរយ:ការចែរចង់ របស់ក្រុម Real Madrid ក្នុងការចង់បាន Neymar ទៅកាន់ Santiago Bernabeu នោះ បានធ្វើឲ្យក្រុម Paris Saint Germain ស្មុគស្មាញយ៉ាងខ្លាំង ខណ:ក្លិបបារាំងមួយនេះ នាំយកមកមិនទាន់បានមួយរដូវកាលស្រួលបួលផង និងមិនទាន់ជោគជ័យទៀត។
យ៉ាងណាវិញ បើតាមការចុះផ្សាយរបស់កាសែត AS បានឲ្យដឹងថា ក្រុម Paris Saint Germain នឹងយល់ព្រមលក់ Neymar ឲ្យក្រុម Real Madrid ដរាបណាក្លិបយក្សអេស្ប៉ាញ ហ៊ានបំពេញលក្ខខ័ណ្ឌមួយសិន។ ជាក់ស្តែងណាស់ ក្រុម Paris Saint Germain បានទាមទារតម្លៃខ្លួន Neymar ដល់ទៅ ៤០០លានអឺរ៉ូ ដែលជាតម្លៃខ្ពស់បំផុតមួយក្នុងប្រវត្តិសាស្រ្តបាល់ទាត់ ប្រសិនបើ Real Madrid ពិតជាយល់ព្រមទិញមែននោះ។
នាពេលកន្លងមក Real Madrid បានបង្ហាញនូវទំហំទឹកប្រាក់ខ្ទង់ ៣០០លានអឺរ៉ូ ប៉ុណ្ណោះ ក្នុងការចរចារជាមួយក្រុម Paris Saint Germain ដើម្បីទិញយក Neymar ។ ក៍ប៉ុន្តែ ការតម្លើងតម្លៃខ្លួន ខ្ពស់កប់ពពករបស់ក្លិបបារាំងមួយនេះ វាអាចក្លាយជាឧបសគ្គមួយសម្រាប់ Real Madrid ដែលពិបាកក្នុងការចំណាយលុយច្រើនសន្ធឹកសន្ទាប់បែបនេះ ព្រោះថា បើ៤០០លានអឺរ៉ូមែន Real Madrid អាចទិញកីឡាករឆ្នើមមានសមត្ថភាពប្រហាក់ប្រហែល Neymar បានដល់ទៅ ២រូបរួមមាន Harry Kane និង Eden Hazard ។
ដូច្នេះហើយ ការកំណ់តម្លៃខ្លួន ៤០០លានអឺរ៉ូរបស់ក្រុម Paris Saint Germain នេះដែរ ទំនងជាក្លិបបារាំងមួយនេះ មានចេទនារារាំង មិនឲ្យក្រុម Real Madrid ទិញយកខ្សែប្រយុទ្ធប្រេស៊ីល Neymar ប៉ុណ្ណោះ។
មតិយោបល់