លោក Jose Mourinho គ្រូបង្វឹកក្រុម Manchester United បាននិយាយថាតម្លៃរបស់កីឡាករ Paul Pogba ៨៩លានផោននេះគឺថោកណាស់ទៅហើយ ចំពោះសមត្ថភាពរបស់គេសមតែថ្លៃជាងនេះទៅទៀត។
Manchester United ទិញ Pogba ពីក្លឹប Juventus ក្នុងតម្លៃបំបែកកំណត់ត្រាលើលោកនេះ ៨៩លានផោន។ យ៉ាងណាមិញ ពេលទិញមកហើយ លេងបានប៉ុន្មានប្រកួតដំបូង មានមតិរិះគន់ជាច្រើនចំពោះតម្លៃនេះ ព្រោះអីខ្សែបម្រើរូបនេះលេងហាក់ដូចជាមិនទាន់ល្អដល់កម្រិតនោះទេ។ ឆ្លើយតបទៅនឹងរឿងនេះដែរ Mourinho បានបញ្ជាក់ថាកីឡាករវ័យ២៣ឆ្នាំនេះគឺមានសមត្ថភាពគ្រប់គ្រាន់សម្រាប់ក្រុមបិសាចក្រហម ហើយតម្លៃខ្លួនដែលទិញមកនេះ ជាតម្លៃមួយដែលថោកណាស់ហើយ។
ក្រុម Man Utd រដូវកាលនេះមិនទាន់អាចនិយាយបានថាល្អឥតខ្ចោះនោះទេ ប៉ុន្តែពួកគេនៅសល់ពានលេងជាច្រើនដែលសុទ្ធតែមានឱកាសលើកវាបាន។ ដោយឡែកនៅពានលីគកំពូលអង់គ្លេសវិញ ឱកាសយក Top4 របស់គេក៏មានច្រើនណាស់ដែរ ព្រោះកំពុងមានពិន្ទុប្រដេញគ្នា៕
មតិយោបល់