ក្លឹប Real Madrid បើឈ្នះតែ២ប្រកួតខាងមុខនេះទៀតប៉ុណ្ណោះ នឹងអាចបំបែកកំណត់ត្រារបស់ក្រុម Barcelona ដែលធ្លាប់ធ្វើបានស៊ុតចូល៤៤ប្រកួតជាប់គ្នានោះបានហើយ។
ក្រុមរបស់លោក Zidane បានបង្កើតកំណត់ត្រាមួយសម្រាប់ក្លឹបដោយស៊ុតចូល៤២ប្រកួតជាប់គ្នាមកហើយតាំងពីពេលលោកចូលដឹកនាំក្រុមមក។ យ៉ាងណាមិញ ចំពោះកំណត់ត្រាអស្ចារ្យមួយទៀតដែលក្រុម Barcelona កំពុងតែកាន់នោះគឺការស៊ុតបញ្ចូលទីបាន៤៤ប្រកួតជាប់គ្នា ដូច្នេះហើយបើក្រុម Real អាចធ្វើបានតែ២ប្រកួតទៀតប៉ុណ្ណោះ ពួកគេអាចបង្កើតជាកំណត់ត្រាមួយផ្សេងទៀតនៅលើលោកនេះហើយ។
យ៉ាងណាមិញ ២ប្រកួតចុងក្រោយនេះរបស់ក្រុម Real Madrid គឺត្រូវប៉ះជាមួយក្រុម Valencia និង Villarreal នៅក្នុងសប្ដាហ៍នេះតែម្ដង។ ខណ:ដែលការប្រកួត២នេះ ក្រុមយក្សរបស់អេស្ប៉ាញមួយនេះ ពិតជាចង់បានពិន្ទុនិងឈ្នះខ្លះណាស់ ព្រោះពួកគេកំពុងតែឈរនៅកំពូលតារាងស្រាប់ អមដោយក្រុម Barcelona ដេញតាមពីក្រោយ៕
មតិយោបល់