ព័ត៌មានកីឡា

Pep Guardiola ​គាំទ្រ​លោក Arsene Wenger ​ដែល​ទទួល​រង​ការ​ប្រមាថ​ពេក

លោក Pep Guardiola ​ចេញ​មុខ​គាំទ្រ​លោក Arsene Wenger ​ក្រោយ​ពី​មាន​អ្នក​គាំទ្រ​មិន​ពេញ​ចិត្ត​និង​ចង់​ឱ្យ​លោក​ចាកចេញ​ពី​ក្រុម​កាំភ្លើង​ធំ​ឱ្យ​បាន​ឆាប់​បំផុត។

និយាយ​ក្នុង​សន្និសីទ​កាល​ពី​ពេល​ថ្មី​ៗ​នេះ ​លោក Pep ​ដែល​ជា​អ្នក​ចាត់ការ​ក្រុម Man City ​ហាក់​មិន​ពេញ​ចិត្ត​ចំពោះ​រឿង​រ៉ាវ​ដែល​អ្នក​គាំទ្រ​មិន​ពេញ​ចិត្ត​ជាមួយ​លោក Wenger ​នោះ​ទេ។ ត្បិត​អី​បុរស​សញ្ជាតិ​បារាំង​រូប​នេះ​បាន​ជួយ​ក្រុម​កាំភ្លើង​ធំ​ច្រើន​ឆ្នាំ​មែនទែន ​មិន​សមណា​អ្នក​គាំទ្រ​យក​កំហុស​បន្តិចបន្ដួច​មក​ចោទ​ប្រកាន់​ហើយ​រក​បាន​អ្នក​ថ្មី​មក​ជំនួស​ឡើយ។

“អ្វី​ដែល​ខ្ញុំ​ឮ​១០​ឆ្នាំ​មក​នេះ ​គឺ​មាន​តែ​មនុស្ស ​មាន​តែ​កីឡាករ ​និង​អ្នក​កាសែត ​ចោទ​ប្រកាន់​លោក Wenger ​រហូត ​ដែល​ជា​រឿង​មិន​អាច​ទទួល​យក​បាន​នោះ​ទេ។ ការ​ងារ​របស់​យើង​ពេល​នេះ ​មិនមែន​ដើម្បី​ទទួល​យក​ការ​គោរព​ពី​នរណា​ឡើយ ​នេះ​ជា​អ្វី​ដែល​បាន​កើត​ឡើង” ។ សម្ដី​របស់​លោក Pep ។

Wenger ​ក្រោយ​ពី​មាន​ដំណឹង​ពី​អ្នក​គាំទ្រ​មិន​ពេញ​ចិត្ត​ច្រើន​មក រូប​លោក​ក៏​បាន​ចេញ​មក​បញ្ជាក់​ថា​អនាគត​នៅ​អង់គ្លេស​អាច​នឹង​អស់​នៅ​ត្រឹម​រដូវកាល​នេះ​ហើយ។ ដោយ​លោក​អាច​នឹង​ត្រលប់​ទៅ​ស្រុក​កំណើត​វិញ ​ព្រោះ​គ្មាន​ក្លឹប​ណា​មួយ​នៅ​អង់គ្លេស​ដែល​លោក​ចង់​ដឹក​នាំ​ឡើយ៕

 

មតិយោបល់