ខ្សែប្រយុទ្ធ Carlos Tevez មិនសប្បាយចិត្តក្នុងការលេងនៅក្លឹបប្រទេសចិននោះទេ ហើយចង់ត្រលប់ទៅលេងនៅប្រទេសអាហ្សង់ទីនវិញ ក្រោយចុះកុងត្រាបានត្រឹមតែរយ:ពេល៣ខែប៉ុណ្ណោះ។
កាសែតនៅប្រទេសអាហ្សង់ទីនឈ្មោះថា Ole បានចុះផ្សាយថា Tevez លេងឱ្យក្លឹបShanghai Shenhua ដោយមិនមានភាពសប្បាយចិត្តនោះទេ ទើបបានជារូបគេមានទម្រង់លេងមិនល្អ ហើយក៏មិនសួវយល់ចិត្តគ្នាជាមួយកីឡាករដទៃទៀត។ ហេតុដូច្នេះហើយ កីឡាករមានប្រាក់ឈ្នួលខ្ពស់ជាងគេបំផុតនៅលើលោកនេះ មិនចង់នៅប្រទេសចិនតទៅទៀតទេ ដោយរូបគេចង់ទៅលេងនៅអាហ្សង់ទីនវិញ បើទោះជានៅទីនេះមានប្រាក់ខែខ្ពស់យ៉ាងណាក៏ដោយ។
យ៉ាងណាមិញ ភ្នាក់ងារទីផ្សាររបស់អតីតកីឡាករ Manchester United រូបនេះ មិនមានអ្វីឆ្លើយតបចំពោះដំណឹងនេះទេ ដោយគ្រាន់តែបញ្ជាក់ថាខ្សែប្រយុទ្ធរូបនេះនឹងមិនចាកចេញទៅណាជាដាច់ខាត។ ត្បិតអីរូបគេមានកុងត្រា២ឆ្នាំប្រទេសចិន ដែលអាចឱ្យរកចំណូលបានមិនតិចជាង៦០លានដុល្លារឡើយ៕
មតិយោបល់