ពានរង្វាន់ UEFA Champions League បានឈានដល់វគ្គ១៦ក្រុមចុងក្រោយហើយ ដោយមានក្រុមខ្លាំងៗជាច្រើនកំពុងប្រកួតគ្នា។ ដូចគ្នានេះដែរ មានប្រិយមិត្តជាច្រើនមានចម្ងល់ថាតើប្រាក់រង្វាន់ក្នុងការប្រកួតខាងលើនេះប៉ុន្មានដែរ បើសុទ្ធតែមានក្លឹបធំៗចូលរួមយ៉ាងនេះ។
Champions League រដូវកាលនេះ ប្រាក់រង្វាន់បានកើនឡើងដល់ទៅ១០%ឯណោះ ក្រោយពីការលក់សិទ្ធផ្សាយមានការកើនឡើងជាលំដាប់។ ដោយរដូវកាលនេះ ព្រឹត្តិការណ៍ធំបំផុតនៅអឺរ៉ុបមួយនេះនឹងប្រាក់ក្នុងដៃចំនួន ១,៣១៨៩លានអឺរ៉ូឯណោះ។ ខាងក្រោមនេះជាប្រាក់រង្វាន់នានាសម្រាប់ក្រុមដែលបានចូលរួម៖
១. ក្រុមដែលបានចូលរួមនៅវគ្គ៣២ក្រុមចុងក្រោយនឹងទទួលបានប្រាក់១២,៧លានអឺរ៉ូ ក្នុងមួយក្រុមៗ ហើយប្រសិនបើក្រុមណាឈ្នះក្នុងការប្រកួតវគ្គចែកពូលនេះនឹងទទួលបាន១,៥លានអឺរ៉ូក្នុង១ប្រកួត ហើយបើស្មើបានត្រឹមតែ៥សែនអឺរ៉ូទេ។
២. ក្រុមឈានដល់វគ្គ១៦ក្រុមចុងក្រោយ នឹងទទួលបាន៦លានអឺរ៉ូ
៣. ក្រុមឈានដល់វគ្គ៨ក្រុមចុងក្រោយ បាន៦,៥លានអឺរ៉ូ
៤. ក្រុមដែលបានដល់វគ្គ៤ក្រុមចុងក្រោយ ៧,៥លានអឺរ៉ូ
៥.ក្រុមដែលបានចំណាត់ថ្នាក់លេខ១ ទទួលបាន១១លានអឺរ៉ូ
៦.ក្រុមដែលម្ចាស់ជើងឯក នឹងទទួលបាន១៥.៥លានអឺរ៉ូ
ដូច្នេះបើគិតសរុបជារួមទៅ ក្រុមណាដែលបានឈ្នះជើងឯកអាចនឹងទទួលបានចន្លោះពី ៥៤លានអឺរ៉ូ ទៅ៥៧,២លានអឺរ៉ូ។ មួយវិញទៀត បើគិតទាំងថ្លៃលក់សិទ្ធផ្សាយៗ ក្រុមឈ្នះដែលមកពីប្រទេសអង់គ្លេស អេស្ប៉ាញ អាល្លឺម៉ង់ ឬអីតាលីអីនោះ អាចនឹងកើនដល់១០០លានអឺរ៉ូឯណោះ។
តួយ៉ាងដូចជាក្រុម Real Madrid ម្ចាស់ជើងឯកឆ្នាំមុន ទទួលបានប្រាក់រង្វាន់សរុបជារួមដល់ទៅ៩៤លានអឺរ៉ូឯណោះ ខណៈដែលក្រុមលេខ២ Atletico Madrid ទទួលបាន៨២លានអឺរ៉ូ៕
មតិយោបល់