លោក Arsene Wenger បានដាក់បន្ទុកទៅលើគ្រប់គ្នា ដែលធ្វើឱ្យក្រុម Arsenal ចាញ់ខ្លាំងបំផុតក្នុងប្រវត្តិសាស្ត្រក្រុមកាលពីយប់មិញនេះ ប៉ុន្តែលើកលែងខ្លួនឯងចេញព្រោះអីទម្រង់លេងដែលបានរៀបចំបានល្អហើយ។
ក្រោយចាញ់ ៥-១ យប់មិញក្នុងជើងទី២ទៀត ក្រុមកាំភ្លើងធំបានចាញ់ក្រុម Bayern Munich ដល់ទៅ១០-២ ហើយក្នុងការប្រកួត Champions League វគ្គ១៦ក្រុមចុងក្រោយនេះ។ យ៉ាងណាមិញ ចំពោះលទ្ធផលខាងលើនេះដែរ លោកយល់ឃើញថាទាំងអាជ្ញាកណ្ដាលសុទ្ធតែមានភាពលំអៀងទាំងអស់ ពោលគឺការផ្ដល់កាតក្រហមដល់កីឡាករ Laurent Koscielny នោះពិតជាមិនត្រឹមត្រូវទេ។
មួយវិញទៀតអ្នកចាត់ការជនជាតិបារាំងរូបនេះក៏លើកឡើងថែមទៀតថាក្រុមរបស់លោកទាំងមូលកំពុងតែរៀបចំក្រុមបានល្អហើយក្នុងការប្រកួតយប់មិញ ប៉ុន្តែដោយសារតែបាត់បង់កីឡាករម្នាក់ទៅ ទើបអ្វីគ្រប់យ៉ាងបញ្ចប់ដោយបរាជ័យយ៉ាងនេះ។ ក្នុងន័យនេះ គឺលោក Wenger យល់ថាខ្លួនឯងកំពុងតែដឹកនាំត្រឹមត្រូវហើយ មិនអាចបន្ទោសបានទេ អ្វីដែលត្រូវបន្ទោសគឺបន្ទោសរឿងរ៉ាវផ្សេងដូចជាការគាំទ្រជាដើម មិនមែនការដឹកនាំក្រុមឡើយ៕
មតិយោបល់