Floyd Mayweather អ្នកប្រដាល់មិនដែលចាញ់ និងបានចូលនិវត្តន៍ហើយនោះ បាននិយាយថាខ្លួនគេត្រៀមខ្លួនរួចរាល់ហើយសម្រាប់ការប្រកួតជាមួយConor McGregor តែកីឡាករវាយក្នុងទ្រុងម្នាក់នេះទេ ដែលមិនហានជាមួយខ្លួននោះ។
Conor McGregor បានប្រកាសថាខ្លួនចង់ឡើងប្រកួតជាមួយ Floyd ក្នុងលក្ខណៈណាក៏បានដែរ ឱ្យតែជើងខ្លាំងរបស់អាមេរិកហ៊ានសាកល្បងជាមួយគេ។ យ៉ាងណាមិញ ការប្រកាសចង់ឡើងប្រកួតនេះ មិនបានធ្វើឱ្យ Floyd ចាប់អារម្មណ៍អ្វីនោះទេ ពោលគឺរូបគេត្រូវការតែលុយប៉ុណ្ណោះ ហើយប្រសិនបើការប្រកួតនោះមានតម្លៃខ្លួនខ្ពស់អ្នកប្រដាល់មិនដែលចាញ់រូបនេះអាចនឹងពិចារណាបាន។ ដោយខ្លួនតែងតែត្រៀមខ្លួនរួចជានិច្ចសម្រាប់ការត្រលប់ទៅសង្វៀនវិញ ព្រោះថារូបគេជាស្ដេចប្រដាល់យូរមកហើយ។
ជួបជាមួយ FightHype.com កំពូលអ្នកប្រដាល់អាមេរិកខាងលើបាននិយាយដូច្នេះថា៖ “Conor McGregor ឈប់និយាយខ្យល់ទៀតទៅ អ្នកនៅស្ទើរណាស់។ ប្រសិនបើអ្នកចង់វាយ តោះឱ្យវាកើតឡើងតែម្ដងទៅ។ Conor McGregor អ្នកមិនចង់ប្រកួតជាមួយខ្ញុំទេ ការពិតទៅនោះ អ្នកដឹងថាខ្លួននៅស្ទើរ”។
Floyd មានវ័យ៤០ឆ្នាំទៅហើយ ខណៈដែលខ្លួនគេបានប្រកាសចូលនិវត្តន៍កាលពីឆ្នាំ២០១៥កន្លងទៅនេះ ក្រោយពីយកឈ្នះលើ Manny Pacquiao និង Andre Berto រួចមក។ ដោយជ័យជម្នះនោះ បានធ្វើឱ្យកីលាកររូបនេះក្លាយជាអ្នកប្រកួតមិនដែលចាញ់ ៤៩ប្រកួតជាប់គ្នាតែម្ដង៕
មតិយោបល់